食記餐廳

Open Now

Now Closed

黎到南區做嘢，梗係要去鴨脷洲大街食嘢，呢度除咗賣海味，其實都仲有好多隱世美食。今日要介紹嘅呢一間「食記」，老店鋪位於大街街角！售賣嘅港式小食包款式多多，腸粉、炸魚旦、炸燒賣、炒麵⋯⋯通通都相當街坊價錢，所以幫襯嘅都睇得出係附近居民同學生。事不宜遲，叫左碗生菜魚肉，熱辣辣再加啲胡椒粉同麻油，成個湯都變得好香濃，魚肉入口彈牙而且好有嚼勁，個人幾鐘意個種煙韌口感，值得推介！另外仲叫咗一碟炸魚旦，一碟十粒開邊炸，食落特別有中學時代周街食嘅個種風味！總結一下，其實呢間都仲有好多唔同小食，今次都是不過係小試牛刀，下次有機會會試埋其他！