韓牛韓式燒烤 (Closed)

食過咁多間韓燒都未見過一間可以污糟到咁。我同朋友一行二人，諗住見到一間幾抵食嘅韓燒上去試吓。當我地食到差唔多五成飽嘅時候，我眼尾稍到有兩隻不明物體喺隔離枱移動，跟住望真啲原來係兩隻曱甴仔喺隔離個爐頭徘徊，仲超級生猛！即刻反胃唔想食，過多一陣仲見到一隻係我個碗隔離行走。我即刻同朋友離開餐廳。同店員講我張枱有曱甴，佢哋只係答話唔好意思，前排滅蟲可能清唔晒先會出現。我都費事同佢爭論咁多。勸各位去呢間韓燒前諗清楚！