金竹苑中菜廳 (Closed)

話說表哥百日宴。去左呢間好似話係洪天明開的中菜餐廳。一去到就見到枱頭好old school的紅雞蛋。跟住就開始上主菜了。第一度菜係乳豬飯。個款就好似果間XX紅咁。隻豬都幾外脆內軟。飯都炒得有鑊氣。如果同XX紅相比，我覺得呢間好食啲。跟住有避風塘椒鹽大賴尿炸。嘩。好鬼惹味。分開頭尾炸完仲要碌哂殼再炒。我覺得成晚最好食係呢味餸勒！桂花蚌蝦球西蘭花。味道適中唔太淡唔太咸。蝦球大隻得嚟夠爽口。。好食既都。。。酥炸大扇貝。。好失望。。一嚟覺得粉多。二嚟我咁啱食果隻臭既魚湯豆腐雜菜，Actually我唔知呢味叫咩名。不過魚湯好鮮甜。菜都爽口唔老。贊既上魚了上魚了。我本來好期待的。因為表哥話係食龍躉仔。。但。。。好鞋囉。。都唔好食既。。其實仲有好多嘢食的。好似粉麵飯咁。不過特色我就只係覺得以上介紹的比較特別。By the way,總體嚟講都好食既。自己會再去多次！