盈圖

Open Now

Now Closed

我表哥喺美國做工程師，最近返嚟香港休息幾個禮拜，然後佢話好掛住點心。之前聽女朋友講，她同屋企人有去過一間叫盈圖嘅中菜館，味道非常好，可以帶表哥去試下。查咗一下，佢哋喺大角咀海富商場度，鋪面非常大，好快就搵得到。我都畀表哥做主，想食乜就叫，我請客。叫咗經典嘅「燒賣」，但係好有佢哋嘅特色，因為係鮑魚燒賣。上面嘅鮑魚好大隻，一啖咬落去口感好豐富，味道好鮮美。仲叫咗「潮州粉果」，都係非常經典，香味好足，餡料好飽滿，表哥超鍾意呢味，佢話真係好香，停唔到口。仲有好經典嘅「蝦餃皇」，呢度嘅蝦餃好大粒，表哥一啖咬唔晒成粒，蝦肉爽口彈牙，鮮美無比。我仲叫咗「欖角醬燒骨」畀表哥試下，我哋兩個都鍾意上呢味餸，用欖角醬喺排骨上面燒，風味十足，好好食。佢食完之後對呢度念念不忘，第二日又自己過嚟呢度食。