Video
Read full review
2011-03-25
54 views
難得閒日放假.梗係要去 搵D 平時只有MON-FRI 先供應的下午茶食啦~ 今日就去左平時人山人海的 沙田新城市行街.果然係閒日!!! 以往行親都迫到爆炸, 今日成個場都好空下. 行得好舒服. 真係愛上左放閒日~ 本身想去 連城4樓的Freshest burger 食 mon-fri 果個勁抵20蚊burger餐. 不過去到唔見有offer. 所以行左去搵第2間食 見到有間叫'嚐味', 係under 味皇集團 , 以前食過味皇d野都ok架~所以就入左去喇~ 下午茶餐牌 的野食其實同 平時menu 的一樣. 只係 'free'左杯野飲.free的包括: 奶茶/coffee/ 菜蜜/可樂/7喜 其中一set:吉列豬扒炒蛋奶油脆豬包 $30 + 凍奶茶 (凍飲加3 蚊) 個吉列豬扒窩起果個位見到一堆油, 奶油豬也係好油, 不過夠脆~除左油左少少之外都唔錯~ 另外果set就食 叻沙 ( 喇沙) 什錦 河 $30 . 因為未諗到飲咩.所以冇order餐飲住.我想讚下佢d 蔥, 好聰明咁放哂在 湯匙 入面, 食的人可按自己喜好選擇 落的份量. 我咁講好明顯 我係唔食蔥的人. 平時食麵
今日就去左平時人山人海的 沙田新城市行街.
果然係閒日!!! 以往行親都迫到爆炸, 今日成個場都好空下. 行得好舒服.
真係愛上左放閒日~
本身想去 連城4樓的Freshest burger 食 mon-fri 果個勁抵20蚊burger餐. 不過去到唔見有offer. 所以行左去搵第2間食
見到有間叫'嚐味', 係under 味皇集團 , 以前食過味皇d野都ok架~所以就入左去喇~
下午茶餐牌 的野食其實同 平時menu 的一樣. 只係 'free'左杯野飲.
free的包括: 奶茶/coffee/ 菜蜜/可樂/7喜
其中一set:
吉列豬扒炒蛋奶油脆豬包 $30 + 凍奶茶 (凍飲加3 蚊)
個吉列豬扒窩起果個位見到一堆油, 奶油豬也係好油, 不過夠脆~除左油左少少之外都唔錯~
另外果set就食 叻沙 ( 喇沙) 什錦 河 $30 . 因為未諗到飲咩.所以冇order餐飲住.
我想讚下佢d 蔥, 好聰明咁放哂在 湯匙 入面, 食的人可按自己喜好選擇 落的份量.
我咁講好明顯 我係唔食蔥的人.
平時食麵 如果唔記得叫走蔥就要慢慢逐粒夾返出黎.有時都幾慘-.-'
個湯底唔辣的. 雖則冇乜蝦味,不過味道唔錯! o岩我口味!
而 '食送' 菜方面, 有札肉絲,白切雞肉, 豬頸肉,蛋,生菜.
隻蛋我自己就麻麻.咬左一啖就放返低.因為我唔太'好'蛋.
果個豬頸肉幾好味~
每樣幾件咁.再加埋d 河粉, 其實都幾飽~
食到最後因為已經飲唔落. 而且我對上面5款free的野飲都冇興趣, 加上食停就要去接仔放學. 所以就叫左杯 可樂 拎走比細路飲.
出去埋單.
諗住拎63蚊出黎比錢啦. 個收錢姐姐話66蚊
我拎張單黎睇.點解杯可樂加左3蚊ge?
cashier 話飲可樂要加3蚊..
我話,你個餐牌冇話要加..
佢串串地咁答: 唔係個個餐包野飲架! 之後佢搵返幫我落單果個類似主任的人黎問
主任話: 凍飲要加3蚊嘛
我就串佢, 咁你地係咪有熱可樂丫...
主任話: 係喎.咁冇理由加錢 , 佢又問cashier 點解會咁
cashier: 一直都係咁架啦. 我照入機架咋
主任就轉身問坐在後面坐做緊文件的男經理.
男經理話:係呀。 凍可樂要加３蚊。
主任就同我講唔好意思。。
ｗｅｌｌ ｆｉｎｅ！！！
如果你同我講我外賣杯飲品要３蚊係 杯錢， 我ｏｋ。冇事。
但我真係接受唔到你同我講可樂係要加３蚊ｆｏｒ 凍飲囉
我已經走冰架喇喎 ！！！
而家咩事先！ 如果你真係ｏｆｆｅｒ熱可樂我冇說話好講。
一係就一早講&寫明飲可樂都要加3蚊.
本身心情大好的閒日放假. 食到唔錯的tea set 都幾美好.
點知就係比佢個 ''凍飲加3蚊'' 破壞哂心情.
原先都覺得e間 '嚐味' 可以再幫襯. 而家咁樣.... sorry. NO NEXT TIME!!!
Post
