Video
Read full review
2022-05-21
555 views
嗰晚我同朋友過嚟慶祝生日，waiter俾咗一個更吧枱嘅卡位我地坐，我未坐已經發覺張梳化係爛嘅，梳化本身係一啲硬性嘅皮，所以如果爛嘅話會坐得好唔舒服。講個時段我哋入座，隔離仲係未有人，所以我望一望，發覺點知全部卡位嘅梳化seat都係要入邊嗰個人坐兩張梳化中間嗰條罅位🙄我心諗: 唔係啊嘛, 通常都係女仔坐入面，咪即係全部女仔都坐得唔舒服？😳最後我都係冇掉到位，因為全部位都係咁樣😑言歸正傳講返啲嘢食先，未上菜先食佢啲麵包，麵包都幾好嘅，黎到仲係暖暖哋，又唔會太硬身。我哋總共叫咗三樣野 (全部都係細細碟, 份量偏細) 1. 八爪魚🐙個人認為佢個八爪魚煮得太冧身，完全冇咬口，零口感，啲醬汁酸酸地，都幾開胃嘅, 但唔係好值2. 個個評論都講嘅vodka辣辣蕃茄通粉首先我以為嗰個相機影嗰碟意粉都係角度問題，我估唔到佢個意粉真係咁細牒😶 即係點呀每人15粒粉？(可能15粒都比多你) 味道正常，不過不失囉，同出面啲蕃茄味手工意粉差唔多3. Rib-eye 🥩正常味，真係做到medium rare. 4. tiramisu都係傳統意大利餐廳嘅tiramisu, 正常可能佢呢間餐廳嘅特色係幫人慶祝生日囉，所
講個時段我哋入座，隔離仲係未有人，所以我望一望，發覺點知全部卡位嘅梳化seat都係要入邊嗰個人坐兩張梳化中間嗰條罅位🙄
我心諗: 唔係啊嘛, 通常都係女仔坐入面，咪即係全部女仔都坐得唔舒服？😳
最後我都係冇掉到位，因為全部位都係咁樣😑
言歸正傳講返啲嘢食先，未上菜先食佢啲麵包，麵包都幾好嘅，黎到仲係暖暖哋，又唔會太硬身。
我哋總共叫咗三樣野 (全部都係細細碟, 份量偏細)
1. 八爪魚🐙
個人認為佢個八爪魚煮得太冧身，完全冇咬口，零口感，啲醬汁酸酸地，都幾開胃嘅, 但唔係好值
2. 個個評論都講嘅vodka辣辣蕃茄通粉
首先我以為嗰個相機影嗰碟意粉都係角度問題，我估唔到佢個意粉真係咁細牒😶 即係點呀每人15粒粉？(可能15粒都比多你)
味道正常，不過不失囉，同出面啲蕃茄味手工意粉差唔多
3. Rib-eye 🥩
正常味，真係做到medium rare.
4. tiramisu
都係傳統意大利餐廳嘅tiramisu, 正常
可能佢呢間餐廳嘅特色係幫人慶祝生日囉，所以我哋嗰晚(平日嘅晚上) 起碼有七至八枱係慶生。但如果唔係因為啲特別嘅節日而來呢間餐廳食飯，咁可以唔使去。呢個價錢如果去其他餐廳食晚餐，應該會多開心好多🤫
Post
