Lava Java 咖啡西餐廳 (Closed)

龍貓，完全吸引了我！見到餐牌，有set dinner，又見到risotto，所以我都覺得唔需要再考慮叫咩食。是日餐湯係菠菜湯，膽粗粗就試下，菜未完全溶，都有D咬口，但都不過不失，而且菠菜係完全溶入湯既味度，所以值我推薦！之後上main，軟腳蟹risotto，通常rosotto都係配菇或黑松露，今次配軟腳蟹，都真係想試下。蟹都炸得幾軟，絕對唔脆，真係做到軟既感覺，有蟹子係面，加埋濕濕地好creamy既risotto一齊食，有d咬口，蟹偏少少咸，而飯就濕，岩岩好溝暈佢地兩者既味道，讚！到我最期待既龍貓，有caramel同mint味兩種味，我就揀左前者，好甜，連我呢個好食得甜野既人，都覺得甜就真係甜，或者公度D講，我本身都唔對caramel有興趣，所以都真係一般，因為都蓋過朱古力味，因為我都比較鍾意飲朱古力既人，所以加其他野都唔太討好。但確實，見到龍貓咁可愛，都唔想用匙搞暈佢，哈哈！但set dinner份量對女仔來講係OK，朋友叫左扒都食唔飽，加多個waffle，可惜，佢既甜品都真係唔太得，都係main好D！不過佢地既service都唔錯，全晚佢地不停加水，like！