Video
Read full review
2019-03-15
388 views
慕名嚟到Fukuro試佢地個吉列和牛三文治🤩 呢間人氣居酒屋好鬼霸氣，唔比book位，一係就6點一開門walk in唔洗等，一係就係出面慢慢等位（當日星期六到6:30已經要等呢）睇落真係幾吸引，但可能我太fantasize左佢，有少少失望呢😶 牛肉質地係幾正，除左有少少筋之外，油脂分佈得唔錯，咬落係十分之嫩滑嘅，麵包亦烘得啱啱好，但係！個燒汁實在太太太重味啦，淨係食到個汁嘅味，和牛應有嘅肉味完全被蓋過，破壞左成件事😭 所幸其他食物都好出色。最最最鐘意係呢個蠔！原來加左柚子醋係令到隻肥仔生蠔嘅鮮味發揮到200%，酸酸甜甜襯返個海水味，真係除左好好味我都無咩好補充啦🤤另一心頭好係呢個Drunken Clams，清酒煮蜆就食得多，清酒醉蜆真係第一次，酒味都幾重，但最緊要係同啲蜆嘅味夾到Yaki Udon又係幾有驚喜，面頭勁多長腳蟹肉，多到最後食哂啲麵都仲有剩，足料程度無容置疑；另外烏冬麵條彈牙有咬口，配埋creamy嘅蟹味噌，深得我歡心呢Beef Tartare亦唔錯，大粒到近乎係角切嘅牛內混入蘋果等清爽食材，伴代替傳統麵包嘅娃娃菜，中和返個油膩感Sweet Corn個人就覺得還好，食兩啖已
睇落真係幾吸引，但可能我太fantasize左佢，有少少失望呢😶 牛肉質地係幾正，除左有少少筋之外，油脂分佈得唔錯，咬落係十分之嫩滑嘅，麵包亦烘得啱啱好，但係！個燒汁實在太太太重味啦，淨係食到個汁嘅味，和牛應有嘅肉味完全被蓋過，破壞左成件事😭 所幸其他食物都好出色。
最最最鐘意係呢個蠔！原來加左柚子醋係令到隻肥仔生蠔嘅鮮味發揮到200%，酸酸甜甜襯返個海水味，真係除左好好味我都無咩好補充啦🤤
另一心頭好係呢個Drunken Clams，清酒煮蜆就食得多，清酒醉蜆真係第一次，酒味都幾重，但最緊要係同啲蜆嘅味夾到
Yaki Udon又係幾有驚喜，面頭勁多長腳蟹肉，多到最後食哂啲麵都仲有剩，足料程度無容置疑；另外烏冬麵條彈牙有咬口，配埋creamy嘅蟹味噌，深得我歡心呢
Beef Tartare亦唔錯，大粒到近乎係角切嘅牛內混入蘋果等清爽食材，伴代替傳統麵包嘅娃娃菜，中和返個油膩感
Sweet Corn個人就覺得還好，食兩啖已覺太甜太膩
甜品嘅Monaka Ice Cream Sandwich當日係夾左紫菜味嘅雪糕，內有莓果味嘅醬，甜中有咸、再帶酸嘅感覺係幾得意
Post
