沙田友冰室 (Moved) New Location

晏晝12點左右，兩個人walk in唔使等位直接入，叫咗個午餐，一個瑞士雞翼撈公仔麵，一個星洲炒咪，一杯凍咖啡一杯凍檸茶，姐姐態度唔錯。一坐低阿姐就放低兩碗豬骨湯，我問佢我哋未嗌喎，佢話唔使錢送嘅。嘢食過咗5分鐘就到，食物質素都係一般茶餐廳水平，值得一讚就係周圍嘅裝修，好有心思，坐低食飯傾計好舒服。值得一講就係位置方面唔近大街，就算中午食飯時間都唔太多人，午飯餐牌算多款式，差唔多有10樣，仲送埋中湯，算抵食。