Black Coffee

Open Now

Now Closed

放假同朋友見下面，想嘆杯咖啡又食下嘢，於是嚟到裕民坊嘅 Black Coffee，主食、三文治🥪同甜品都有齊晒，可以一路食嘢一路傾偈💬✨自家製手打雞肉蝦餅三文治配雜菜沙律🥪三文治用咗黑色嘅竹炭包，中間包住彈牙嘅蝦餅🦐之餘，仲有好juicy嘅番茄🍅，層次豐富，份量十足。✨ 水牛城雞翼水牛城雞翼唔算太辣，不過香口惹味，脆卜卜又酸酸辣辣，令人食完一隻又一隻！✨龍蝦濃湯意粉配虎蝦主食嘅意粉充分吸晒龍蝦濃湯嘅味道，配埋虎蝦，鮮味又爽口。✨曲奇忌廉窩夫配朱古力雪糕 窩夫即點即製，仲有濃濃蛋香味，外脆內軟，加埋朱古力雪糕同曲奇碎，多重朱古力享受！✨榛子鮮奶咖啡✨美式咖啡最鍾意榛子鮮奶咖啡☕️，啖啖都有榛子香味，香滑濃郁。而美式咖啡有微酸嘅口感，有一種甘醇嘅味道。