Video
Read full review
2019-06-26
139 views
因為近呢一個月工作都非常忙碌,除左無周圍覓食之外,陪家人既時間都少左好多。連父親節正日前後都係忙緊做野。今晚終於有時間同BABA食餐好既去補祝。 然而,BABA當晚係食得相當愉快,食材既優越﹑主廚精湛既烹調技巧﹑優質既服務,未見過BABA係食飯既時候可以笑得咁開心,重話『勁勁勁勁勁滿意呢一餐』。有見及此,推介大家帶父母﹑愛侶黎呢到食,既浪漫又溫情,重點係食物好食。呢一到比我既感覺係高級既日本鐵板燒餐廳,我當日1830去到,睇個裝潢唔知以為去左日本。BABA睇MENU左睇右睇,最終我地決定叫一個$1980特上活龍蝦鐵板燒二人前。BABA係選擇鮑魚好定龍蝦好,幾經掙扎佢終於就叫左🦞龍蝦。食材真係生勾勾,由大廚身後既水江拎出黎,擺係我地面前。前菜既沙律,色彩好豐富,味道亦特別好食, 特別在佢既食材我同BABA都係第一次食,包括有來自日本既紅芯蘿蔔﹑呢一塊充滿氣孔唔知道佢係咩黎,於是問下店員,原來係蓮花既莖部,非常爽口清新。除左沙律,旁邊重有個白色既粟米,店員話係來自北海道既粟米,食後感就係:爸爸話咁大個仔無食過咁甜既栗米,又甜又多汁,食半舊完全唔夠侯。第一道菜係北海道帆立貝。對我黎講都幾大粒
呢一到比我既感覺係高級既日本鐵板燒餐廳,我當日1830去到,睇個裝潢唔知以為去左日本。
BABA睇MENU左睇右睇,最終我地決定叫一個$1980特上活龍蝦鐵板燒二人前。BABA係選擇鮑魚好定龍蝦好,幾經掙扎佢終於就叫左🦞龍蝦。食材真係生勾勾,由大廚身後既水江拎出黎,擺係我地面前。
前菜既沙律,色彩好豐富,味道亦特別好食, 特別在佢既食材我同BABA都係第一次食,包括有來自日本既紅芯蘿蔔﹑呢一塊充滿氣孔唔知道佢係咩黎,於是問下店員,原來係蓮花既莖部,非常爽口清新。除左沙律,旁邊重有個白色既粟米,店員話係來自北海道既粟米,食後感就係:爸爸話咁大個仔無食過咁甜既栗米,又甜又多汁,食半舊完全唔夠侯。
第一道菜係北海道帆立貝。對我黎講都幾大粒,又厚肉。見主廚先放個殼上個鐵板到,然後係上面放湯﹑昆布。之後佢就處理個帆立貝,煎到岩岩好,唔腥重有好多既鮮味。上碟既時候廚話個湯可以飲埋,而帆立貝上面既蟹子都係自家奄制,唔會有腥味。
第二道菜係日本響螺,由主廚起肉快炒,有3種味道食法: 一原味(主廚已經有調小小味道) 二點用海鮮汁(調味醬料既中間格) 三點用鹽巴(調味醬料既右格), 三款口味當中, baba最愛原味,而我就鍾意配中間既海鮮汁。
第三道菜係銀雪魚,主廚可以整到魚皮超級香脆,咬落去卜一聲。而銀雪魚就煎到金黃色，,香嫩多汁,時間亦岩岩好。我同baba都好享受睇主廚由一塊銀雪魚起皮同煎魚既技巧。
🦞主角到!!!!見到主廚係面前處理活生生既龍蝦,見佢用牛油加入龍蝦頭既糕炒香,大家見到橙色既就係,我稱味佢係邪惡的膏,龍蝦超爽口彈牙,配埋邪惡的膏,味蕾既享受。
食到中段,主廚送了一個小食又一邪惡食物:砂糖多士,對我黎講非常香口,但可惜爸爸唔係嚐甜者,所以佢覺得一般。 (好有心思,所有麵包都燙有『崟』字。)
食到咁上下,店員送上青檸蒟蒻，清清味道。我非常喜愛呢個蒟蒻。
之後係A5鹿兒島野崎和牛,BABA叫左厚燒(可以自行選厚/薄), Order5成熟,口感一絕呀!肉質鮮嫩,擺舊牛入口,入口即溶,baba發自內心開心到笑出黎。
食完肉類,附上一碗熱到出煙既深海魚湯,色澤濃郁味亦如此,完全心心眼。
櫻花蝦乾炒飯,主廚問我地夠唔夠飽,洗唔洗要多d飯,我地兩個不約而同,唔洗啦細細碗就夠。因為真係好飽,相當滿足。炒飯粒粒分明,多種配料,香郁,就算飽都好快食晒。現埋炒雜菜一齊送飯。
最後既甜品,可以選擇雪糕或奶凍,我同baba要雪糕分別係柚子味同豆腐口味。推介柚子味雪糕,甜酸味道突出。
呢一餐飯,足足食左兩小時有多,以$1980呢個價錢,買到baba既快樂﹑高級既食材同味蕾享受,重點係,係過程同baba傾左好多計。用餐用得非常愉快。勁力推介!
崟
地址:元朗錦田高埔村108號地下
電話號碼: 28828962
營業時間: 星期一至日12:00 - 14:00 18:00 - 23:00
Post
