越南會館

Open Now

Now Closed

喺九龍灣做完運動，就約媽咪食晚飯啦！🥰🥰上次食咗日本拉麵，今次媽咪話試下越南嘢，咁啱對面有間「越南會館」，裝修都幾雅緻。坐低叫咗個二人餐，老細就再加碗豬手扎肉河粉，同一個生菜包，三個人食就夠啦！！佢個二人餐包個頭盤，可以五選三，媽咪話唔想食煎炸嘢～我哋就叫晒兩樣唔煎炸，但係因為其他三樣都係炸嘅～鼻哥窿擔遮～點都要叫一樣～😅😅🤭估唔到越南餐廳嘅Caesar salad都唔錯喎～第二樣係越式米紙卷～第三樣係咋魷魚，不過粉漿就比較厚……🫣😓主菜都係食粉麵啦…叫咗一碗串燒雞肉豬頸肉撈檬，佢兩種肉類都整得好入味、好juicy～而且份量十足，所以基本上另一個炒粉絲都冇乜點食😅😅當然係打包做聽日午餐啦！！老細嘅豬手扎肉河都幾好味～豬手好淋好入味～湯底都幾清甜！個生菜包令我印象最深刻😁😁🥰因為佢有別於一般泰式生菜包，而係跟埋薄荷葉、米粉、同埋一個好似海鮮醬嘅醬汁，個味道幾特別！飲品都唔同平時飲開嘅…我叫咗杯薄荷青檸茶，原來一啲都唔甜㗎😅😅不過有啲薄荷味，夏天飲都幾清新！