Video
Read full review
2005-12-12
10 views
周六經過,走黎幫襯下食lunch。入門已見水流牌,甚具氣派;走進店內更覺中國特式,木椅木桌以至間隔用的木屏風予人古代的感覺,頗配合"梁山泊"這個名稱。"小二"穿上唐裝也來和應一番,態度殷勤,只係替人客拉椅時拉完唔識推番埋,坐下時有點失平衡還幸沒出洋相。這裏是有桂花及玫瑰兩款花茶的,坐下時點了桂花,茶香芬芳樸鼻,大概是個人喜好,不愛濃茶,淡淡花香正合心意。主菜餐牌有點像奏摺,打開枱面既通勝原來係drink list,(不過唔可以用黎擇日),旁邊既摺扇其實係special drink menu,女友覺得幾得意。不過燈光昏暗,睇餐牌時頗費神。講番食物,若論賣相實在係大師級既水準。點了一客二人用的"孖蒸",其實係8件的蒸點心拼盤。雕花木托加上玻璃面,置上8件精緻點心,矜貴之餘亦引人大快朵頤。先講其中的飽點:兩件飽外形有點似雞包仔,頂端用豆角綁著作裝飾,令人覺得此飽與別不同。飽皮厚度恰到好處,食落去唔會覺得好乾,亦唔似平時去茶樓食飽咁,黏住個口要飲啖茶沖一沖咁。內裡饀料至少有四種,不過切得太茸混在一起看不清,猜想該是蝦米冬姑豬肉蒜茸等材料,所以才如此惹味。總括黎講呢款飽點幾好味,唔會滯。長條點心
這裏是有桂花及玫瑰兩款花茶的,坐下時點了桂花,茶香芬芳樸鼻,大概是個人喜好,不愛濃茶,淡淡花香正合心意。主菜餐牌有點像奏摺,打開枱面既通勝原來係drink list,(不過唔可以用黎擇日),旁邊既摺扇其實係special drink menu,女友覺得幾得意。不過燈光昏暗,睇餐牌時頗費神。
講番食物,若論賣相實在係大師級既水準。點了一客二人用的"孖蒸",其實係8件的蒸點心拼盤。雕花木托加上玻璃面,置上8件精緻點心,矜貴之餘亦引人大快朵頤。
先講其中的飽點:兩件飽外形有點似雞包仔,頂端用豆角綁著作裝飾,令人覺得此飽與別不同。飽皮厚度恰到好處,食落去唔會覺得好乾,亦唔似平時去茶樓食飽咁,黏住個口要飲啖茶沖一沖咁。內裡饀料至少有四種,不過切得太茸混在一起看不清,猜想該是蝦米冬姑豬肉蒜茸等材料,所以才如此惹味。總括黎講呢款飽點幾好味,唔會滯。
長條點心:腸粉皮包著一條煎過的肉片,口感一流,不過吃了兩口仍分不出是豬還是雞。
水餃皮豬肉蝦餃:饀料主要是混了冬姑粒的豬肉,上面蝦身剖半平放似壽司,全件再以水餃皮包著,賣相誘人,味道不錯。
晶皮韮菜餃:晶瑩通透,看到裡面已塞滿饀料,蓄勢待發的韮菜香因咬出了一個缺口而湧了出來,混上碎豬肉,此餃實在不同凡響。
另外點了薄切牛肉大碗麵,碗是大但份量少,諗住兩人share原來是不夠的,然而牛肉夠嫰夠入味,加埋湯底仍係水準之作。
最後悔係點了蟹腳春卷,雖然夠熱,唔難食,但蟹腳失左踪,要報警,扣分之作。
埋單盛惠$218,小二拎左個木盒黎,心想打開會唔會放暗器.....當然,只係埋單裝錢用既
Post
