Little Old Town (Closed)

鮑魚雞煲真係好惹味同時好辣，賣相唔錯，有黑椒同青椒做調味，好有煱氣，鮑魚都唔細，雞不是冰鮮，加埋其他配料，整體唔錯！酸辣無骨鳳爪，呢個菜一定要嗌！就算唔食鳳爪，只食配菜生菜同車厘茄，再加上汁都好好食。叫左一個拼盤，有魚餅﹑蝦餅﹑酸辣無骨鳳爪﹑單骨雞翼﹑串燒牛同青瓜！拼盤份量好足夠，完全夠食，一家人每人都試到每一款。油酥餅同出面既冇太大分別，但冇咁油，可以接受！香茅薑蜜真係好暖胃，好大浸薑味，飲落去都好辣，飲到底蜜糖味先有，可能未搞勻！值得推薦仲有甜品，泰式刨冰，可以選三色定五色。有荔枝﹑芒果﹑紅豆﹑糯米﹑涼粉﹑海底撈﹑珍多﹑荔枝爆珠﹑乳酸爆珠﹑蜂蜜爆珠，七彩顏色好吸引，一個刨冰已經好多，人少唔好叫超過一個，刨冰真係唔需要特別介紹，味道唔會有太大影響，只係配料問題。