Video
Read full review
2024-05-27
379 views
依排日日落雨 ☔️，胃口都差啲，有日無意間行過依間串燒店，俾佢門口的塗鴉牆吸引咗目光，睇睇餐牌都有好多款串燒選擇，價錢都合理，店內都算濶落，就決定入去試下。「好燒式串燒專門店」雖然系街坊小店，但店員都十分有禮和周到，先送上粟子白菌湯🫕，菇菌味香濃，配上兩片烤脆的白菌，濃稠適中，水準可媲美同高級西餐出品。串燒既款式足足有兩頁紙咁多，肉類、海鮮、蔬菜包羅萬有，龍蝦、鮑魚、蟶子等都有。我哋揀左幾款，肉類有不同辣度可揀，店員仲另外遞上一樽4色調味粉，想辣啲可自由添加，大辣🌶️真系幾辣🔥🥢燒白鱔🐟的鱔好厚肉，掃上醬汁燒甜甜地好惹味，魚皮都燒到卜卜脆，魚肉鮮味結實，新鮮好味。🥢西班牙黑毛豬肋串🍖肉質爽彈，肉香出色，容易咬開唔韌，加上辣粉更惹味。🥢安格斯牛肋串🥩牛味香濃，充滿嚼勁又無渣，口感不錯，幾有水準。🥢燒蒜茸茄子🍆原條燒茄子再鋪上滿滿的蒜茸和掃上醬汁，茄子香軟可一絲絲起肉，口感濕潤味道清香，在肉串中有一點平衡作用，不至於太膩。🥢燒豆腐用上較硬身豆腐，燒烤後掃上甜醬油，口感實在，帶有豆香，味道清新。🥢避風塘軟殼蟹🦀軟殼蟹切細件炸成金黃小塊，香脆松化，加上香料、辣椒、炸蒜、香茅、羅勒葉等，十分香口惹味
「好燒式串燒專門店」雖然系街坊小店，但店員都十分有禮和周到，先送上粟子白菌湯🫕，菇菌味香濃，配上兩片烤脆的白菌，濃稠適中，水準可媲美同高級西餐出品。
串燒既款式足足有兩頁紙咁多，肉類、海鮮、蔬菜包羅萬有，龍蝦、鮑魚、蟶子等都有。
我哋揀左幾款，肉類有不同辣度可揀，店員仲另外遞上一樽4色調味粉，想辣啲可自由添加，大辣🌶️真系幾辣🔥
🥢燒白鱔🐟
的鱔好厚肉，掃上醬汁燒甜甜地好惹味，魚皮都燒到卜卜脆，魚肉鮮味結實，新鮮好味。
🥢西班牙黑毛豬肋串🍖
肉質爽彈，肉香出色，容易咬開唔韌，加上辣粉更惹味。
🥢安格斯牛肋串🥩
牛味香濃，充滿嚼勁又無渣，口感不錯，幾有水準。
🥢燒蒜茸茄子🍆
原條燒茄子再鋪上滿滿的蒜茸和掃上醬汁，茄子香軟可一絲絲起肉，口感濕潤味道清香，在肉串中有一點平衡作用，不至於太膩。
🥢燒豆腐
用上較硬身豆腐，燒烤後掃上甜醬油，口感實在，帶有豆香，味道清新。
🥢避風塘軟殼蟹🦀
軟殼蟹切細件炸成金黃小塊，香脆松化，加上香料、辣椒、炸蒜、香茅、羅勒葉等，十分香口惹味，如果能配白飯應該能夠吃上幾碗🤤
🥢芝士雞肉墨西哥薄餅🌮
串燒店有墨西哥薄餅食真系好驚喜，仲要整得好好味。芝士溶化加上雞片，味道簡簡但好夾；薄餅粉糯有麥香，烤烘後更香脆有口感。
🥢燒菠蘿🍍
每次食燒肉燒烤最後必食燒菠蘿，解膩又香甜。原塊厚切菠蘿燒熱把果糖迫出，食落更甜Juicy更香甜😋
用心既小店應該支持既👍
Post
