真珍記 (Closed)

3日假期點可以唔出街🤪第一日去黃金買完野再喺附近食車仔麵醫肚。車仔麪有成幾十種餸可以揀，餐廳最特別係提供八餸或者十餸車仔麵，啱哂唔知點揀但又咩都想試少少既朋友仔~諗咗一陣決定揀韭菜餃、秘製豬手同埋鮑汁花菇，麪底係河粉，湯底配咖哩汁，再加多杯熱檸茶。3樣餸最欣賞係鮑汁花菇，原來成個製作過程一d都唔簡單：花菇先浸一日令佢軟身，再用生粉沖洗幾次，咁就更滑更乾淨，之後先用鮑汁浸一晚至攞去煮。難怪花菇咬落軟稔又多汁！韭菜餃係自家製，食落好有家的味道。至於豬手就有3塊，煮得稔身，而且好入味，讚！飲品點咗熱檸茶，兩塊檸檬都好新鮮。