Video
Read full review
2024-01-25
160 views
每次去西九文化區都會比呢間餐廳吸引住餐廳分為室內，同室外兩部份室外就可以俾人帶寵物一齊坐喺外面享受涼風而室內嘅裝修就色彩鮮艷，比較新派，有啲梳化椅都坐得好舒服！今次平日同屋企人喺故宮博物館參觀完一於嚟嘆吓茶先！黑松露小籠包（三件）$78小籠包上面有黑松露醬點綴，一咬落去即刻爆汁！皮薄餡靚，估唔到黑松露同豬肉餡味道都好夾，香氣撲鼻！蟹肉海鮮春卷（四件）$88呢個春卷份量十足，外皮炸到好香脆，而入邊嘅餡料都好豐富，仲咬到有啖啖蟹肉同蝦肉，可以沾上沙律醬享用，小小楊梅 （三件）$68外型好的骰可愛，而食落去就有少少似鹹水角，外皮鬆脆，配上粒粒脆米，更加香口，而餡料就係鹹鹹嘅蟹肉，蝦同扇貝！蘿蔔小盆栽（三件）$78蘿蔔千絲酥平時都食得多，但係好少外型整得咁神似！🥕真係要俾個讚佢！外皮一層一層好考驗師傅嘅功力，一咬落去好鬆化，而入邊又有好多香甜嘅蘿蔔絲。盆栽底下嘅泥土，其實係由Oreo餅碎整成嘅，打卡一流！另外我哋仲叫咗一杯紅酒同一杯白酒望住海邊嘅美景，一路嘆美酒佳餚真係人生一大樂事Calabria Family Cab Sauvigon $88以草莓、覆盆莓果香為主調的澳洲紅酒，木桶帶有胡椒香
餐廳分為室內，同室外兩部份
室外就可以俾人帶寵物一齊坐喺外面享受涼風
而室內嘅裝修就色彩鮮艷，比較新派，有啲梳化椅都坐得好舒服！
今次平日同屋企人喺故宮博物館參觀完
一於嚟嘆吓茶先！
黑松露小籠包（三件）$78
小籠包上面有黑松露醬點綴，一咬落去即刻爆汁！皮薄餡靚，估唔到黑松露同豬肉餡味道都好夾，香氣撲鼻！
蟹肉海鮮春卷（四件）$88
呢個春卷份量十足，外皮炸到好香脆，而入邊嘅餡料都好豐富，仲咬到有啖啖蟹肉同蝦肉，可以沾上沙律醬享用，
小小楊梅 （三件）$68
外型好的骰可愛，而食落去就有少少似鹹水角，外皮鬆脆，配上粒粒脆米，更加香口，而餡料就係鹹鹹嘅蟹肉，蝦同扇貝！
蘿蔔小盆栽（三件）$78
蘿蔔千絲酥平時都食得多，但係好少外型整得咁神似！🥕真係要俾個讚佢！外皮一層一層好考驗師傅嘅功力，一咬落去好鬆化，而入邊又有好多香甜嘅蘿蔔絲。盆栽底下嘅泥土，其實係由Oreo餅碎整成嘅，打卡一流！
另外我哋仲叫咗一杯紅酒同一杯白酒
望住海邊嘅美景，一路嘆美酒佳餚
真係人生一大樂事
Calabria Family Cab Sauvigon $88
以草莓、覆盆莓果香為主調的澳洲紅酒，木桶帶有胡椒香草，氣息動人。
Ten Rocks Sauvignon $98
帶有澎湃的番石榴，青檸香味的新西蘭白酒，入口平易近人。
Post
