Video
Read full review
2024-04-20
275 views
同男朋友行完M+之後覺得好肚餓，咁啱見到囍公館，我同佢講話我哋好少食點心，佢就話不如試吓呢一間嘅點心。餐廳好闊落，我哋坐喺近窗嘅位置，望住個海景食點心別有一番風味，周不時都有啲雀仔會蕩失路走咗入嚟，成個環境令人覺得好舒服。‣ 鮑魚燒賣 $108我哋嗌咗兩份有鮑魚嘅點心，我笑咗同男朋友講話加咗隻鮑魚即刻高級咗唔少。份燒賣啲蝦肉相當爽口彈牙，絕對冇偷工減料嘅嫌疑，加埋鮑魚仔一齊食又有唔同嘅口感。‣ 黑松露小籠包 $88小籠包嘅黑松露味好香，雖然唔係我食過最好食嘅小籠包，但係確實可以稱得上係皮薄餡靚，爭啲唔小心俾啲湯汁焫親，因為咬落去嗰陣已經爆汁。個小籠包本身都好好食，黑松露只係一個加分項。‣ 鮑魚千層酥 $118鮑魚嘅味道都差唔多，但係我好鍾意佢嘅千層酥盒仔，咬落去嘅時候相當鬆化，同時可以食得出牛油嗰浸香味。我覺得囍公館啲點心其實就咁食已經好出色，鮑魚、黑松露都只不過係個噱頭。‣ 蒜片和牛粒 $98雖然佢最出名係片皮鴨，但係我哋都冇嗌到，男朋友話突然之間好想食牛，我哋就叫咗蒜片和牛粒，見到個擺盤嘅時候我一時醒唔起我嗌咗啲咩。本身對呢道菜冇咩期望，但係發覺牛比我想像中好食，以為啲醬汁好搶味，
‣ 鮑魚燒賣 $108
我哋嗌咗兩份有鮑魚嘅點心，我笑咗同男朋友講話加咗隻鮑魚即刻高級咗唔少。份燒賣啲蝦肉相當爽口彈牙，絕對冇偷工減料嘅嫌疑，加埋鮑魚仔一齊食又有唔同嘅口感。
‣ 黑松露小籠包 $88
小籠包嘅黑松露味好香，雖然唔係我食過最好食嘅小籠包，但係確實可以稱得上係皮薄餡靚，爭啲唔小心俾啲湯汁焫親，因為咬落去嗰陣已經爆汁。個小籠包本身都好好食，黑松露只係一個加分項。
‣ 鮑魚千層酥 $118
鮑魚嘅味道都差唔多，但係我好鍾意佢嘅千層酥盒仔，咬落去嘅時候相當鬆化，同時可以食得出牛油嗰浸香味。我覺得囍公館啲點心其實就咁食已經好出色，鮑魚、黑松露都只不過係個噱頭。
‣ 蒜片和牛粒 $98
雖然佢最出名係片皮鴨，但係我哋都冇嗌到，男朋友話突然之間好想食牛，我哋就叫咗蒜片和牛粒，見到個擺盤嘅時候我一時醒唔起我嗌咗啲咩。本身對呢道菜冇咩期望，但係發覺牛比我想像中好食，以為啲醬汁好搶味，但冇諗過都食得出牛嘅香味。唯一嘅缺點就真係太過細份，真係三分鐘之內都可以食晒。
#foodbara_diary
Post
