Miss Saigon Vietnamese Cuisine (Closed)

晚飯時間係西環覓食，經過呢間越南餐廳時被勾起食越南菜既興趣。晚上人流唔算多，入到餐廳環境舒服。點菜時經理好nice, 熱心推介餐廳熱門菜式，又跟據我同朋友喜好做推介。最後點左一份小食，咖哩，主食同炒菜。首先上菜係小食，小食點左牛油雞翼。雞翼炸得香脆多汁，而且有陣陣牛油香味食落又唔會好漏！👍🏻咖哩牛肋肉配蒜蓉包，咖哩帶椰香唔辣，牛肋肉軟淋唔會過硬，美中不足係牛肋肉咖哩味唔夠入味。蒜蓉包略嫌偏硬但配咖哩味道😋。炒通菜鋪上蒜粒，食落加多份蒜香味。椰青雞肉焗飯原個椰青上，椰青內焗飯帶有椰青清香味，飯粒分明唔會稀爛。上層以芝士蓋面有拉絲效果。經理推介蘆薈香茅茶，粒粒蘆薈係底，香茅茶帶蜜糖味，夠滋潤。