民華餐廳

Open Now

Now Closed

東涌野食唔多，呢日同朋友去離島完一轉，見到有民華，等佢地期間自己黎一黎食個早餐先！前一日無乜點食野，所以今次叫咗個常餐(火腿通+炒蛋+腸仔)配牛油方包同埋飲熱檸水，另外再加多份西多士食！食個有份量嘅早餐先有力氣去玩！先食咗火腿通粉，好有份量，個湯好好味，唔會好咸，食落去都好健康又唔會好油，清清地唔錯！火腿都有好多絕對唔會偷工減料！好好食！由於叫多個西多士嘅關係，所以只係叫咗牛油方包，無皮既方包係最好食既哈哈！蛋好滑又唔老，而腸仔加小小胡椒粉會更加好食～最後當然唔小得西多士，練奶加牛油係上面，再加埋炸得非常好食既西多士，一口氣食晒非常滿足！東涌都有好野食既！