陳新記

Open Now

Now Closed

招牌一口西多士 ($25)西多士賣相幾特別，外表呈金黃色✨，砌到好似一個金字塔嘅形狀。呢度嘅西多士係將麵包分成了九小份，再沾上雞蛋漿嚟半煎炸。麵包比平時啲西多士厚身，但麵包夠軟熟，唔會一按就扁，而且內裡亦炸得近乎膨脹，做到外脆內鬆軟嘅口感😋，唔使切得嚟又易入口。由於多士切到好細塊，令每一嚿都沾滿咗濃濃嘅蛋香♨️，蛋漿甚至滲入麵包中心，整完再預先淋上花生醬、糖漿煉奶同牛油，更有利於多士吸入醬汁同溶化牛油，味道亦比傳統一大塊嘅西多更香口🤤，足夠邪惡。但個花生醬我覺得淡左啲，而且啲醬太多，食到多幾啖就會覺得膩喉😥，所以認為路過就不妨一試，但唔需要專程而嚟。------------------------------整體評分：7.2/10小編回頭率：5/10Btw個老闆都好熱情下，我地一嚟到就向我地極力推薦西多😂，感覺如果啲人本身唔打算試都會受佢感染嗌下嚟食。