Chez Bistro

Open Now

Now Closed

環境4分：樓上cafe格局，木地板同格仔窗口好有歐洲feel，室外陽光可以入到嚟，開揚光猛，D位唔迫，可以畀四分。衛生4分：周圍都好乾淨，畀四分。服務 5分：侍應生大部分都係後生，快手快腳，又夠細心，成日會加水，又自動介紹午餐，所以畀五分。味道5分：1)      麵包有提供橄欖油或者牛油，悉隨專便。2)      跟餐沙律好爽好鮮，跟醋夠開胃，兩塊豬肉好香口。3)      青口忌廉餐湯好滑好夠味，有兩隻又甜又肥嘅青口，西餐嚟講好足料。4)      香煎是日新鮮海捕魚柳塊魚柳切成正方形，上邊配一隻蝦，跟住有薯蓉配菜同個西蘭花。塊魚柳Ｄ皮煎得好脆，肉就軟淋，隻蝦就非常彈牙，廚師應該都幾有心機整這份午餐，比夠佢滿分。5)      炭燒美國頂級黑毛安格斯嫩肩里脊牛扒真係唔講得笑，感覺好似食緊燒牛肉，好香，而且非常之有牛肉味，Ｄ肉地夠淋，一Ｄ都唔肥，仲每一塊都好容易咬得到，都係比佢滿分。抵食 4分：百幾蚊食個高質西式午餐，抵畀佢四分。