Coedo Taproom (Fashion Walk) (Closed)

放假同友人去銅鑼灣行街街，去到Fashion Walk有點肚餓，喺附近搵咗呢間餐廳食下嘢休息陣先。嗌咗兩杯啤酒，夠冰凍，飲落好清爽，個人比較鍾意黑啤多啲。蟹籽沙律嘅蟹籽份量都幾多，食落清新爽脆味道唔錯。明太子芝士蛋卷意外地超好食！蛋卷味道啱啱好，唔會過甜。而明太子鹹味適中，入口仲有淡淡嘅芝士味，整體上配合得完美！三色便當份量比想像中多。左邊係南蠻炸雞，外層炸粉好薄。中間雞塊大大舊，炸得唔乾身幾軟滑。中間係炙燒三文魚沙律，三文魚油脂味好重，配合沙律一齊食一啲都唔覺得油膩。照燒鯖魚雖然得兩塊但好大舊，魚肉肉質嫩滑，燒得好入味好好食！