Video
Read full review
2020-07-26
124 views
呢間💛店最近非常火紅，幾乎日日係IG都會見到佢既出現😂 而今次去觀塘既目的其實係衝佢而去🏃🏻♀️.入內前除左量體溫呢d基本野外，店員會先係門口將你前前後後都用消毒酒精噴灑，連鞋底都唔放過🙈，咁樣大家就可以食得稍為安心啦👐🏻⚠️消毒酒精並非萬能，為己為人有唔舒服就唔好出街.呢度無多餘裝修完全係工廈食堂格局，餐廳內有一面玻璃可以睇到廚房既情況👀最有良心既係呢度講到明唔夠汁唔夠飯都可以加，岩晒大食既朋友🥰 而呢度飯既份量都算多，如果唔太大食既請向店員要求少飯，避免造成浪費🙅🏻♀️.㊙️叫得做慢煮，幫襯要有心理準備出餐真係會比較慢，當日落左單20零分鐘後先上餐🤦🏻♀️******************************✨慢煮火灸牛腹扒丼🐮 ($88)其實唔太清楚呢度慢煮既定義係咩，因為牛腹扒食唔出有火灸過既味道😥 雖然未去到其他人所講既鞋口，但口感真係唔似係慢煮出黎既咁嫩，而且食落並無牛味，如果唔係知佢係牛腹扒就只會認為係一片肉🤦🏻♀️同埋牛腹扒好似未經調味既咁，係靠後期係上面灑上鹽🧂同胡椒，就咁直接食覺得幾咸下😓-✨慢煮三文魚配牛油果丼🐟🥑 ($88)本身最期待係食佢，感覺賣相好似夏威夷
呢間💛店最近非常火紅，幾乎日日係IG都會見到佢既出現😂 而今次去觀塘既目的其實係衝佢而去🏃🏻♀️
.
入內前除左量體溫呢d基本野外，店員會先係門口將你前前後後都用消毒酒精噴灑，連鞋底都唔放過🙈，咁樣大家就可以食得稍為安心啦👐🏻
⚠️消毒酒精並非萬能，為己為人有唔舒服就唔好出街
.
呢度無多餘裝修完全係工廈食堂格局，餐廳內有一面玻璃可以睇到廚房既情況👀
最有良心既係呢度講到明唔夠汁唔夠飯都可以加，岩晒大食既朋友🥰 而呢度飯既份量都算多，如果唔太大食既請向店員要求少飯，避免造成浪費🙅🏻♀️
.
㊙️叫得做慢煮，幫襯要有心理準備出餐真係會比較慢，當日落左單20零分鐘後先上餐🤦🏻♀️
******************************
✨慢煮火灸牛腹扒丼🐮 ($88)
其實唔太清楚呢度慢煮既定義係咩，因為牛腹扒食唔出有火灸過既味道😥 雖然未去到其他人所講既鞋口，但口感真係唔似係慢煮出黎既咁嫩，而且食落並無牛味，如果唔係知佢係牛腹扒就只會認為係一片肉🤦🏻♀️
同埋牛腹扒好似未經調味既咁，係靠後期係上面灑上鹽🧂同胡椒，就咁直接食覺得幾咸下😓
-
✨慢煮三文魚配牛油果丼🐟🥑 ($88)
本身最期待係食佢，感覺賣相好似夏威夷魚生飯咁清新🍃
但係臨出餐前5分鐘先被告知主角之一既牛油果🥑用晒未到貨，店員一開始提議俾多d火龍果，聽到之後真係滴汗😓，因為丼飯本身已經有火龍果，再多加既話就會變成食水果飯而唔係丼飯🤢 最後改為俾多d三文魚解決
而呢碗丼飯同樣令人覺得失望💔，因為三文魚亦係無三文魚味道，溫泉蛋都係無蛋味🤦🏻♀️ 雖然丼飯有淋上醬汁，但食落真係無味，食完呢餐只覺得係好清淡既一餐....
最奇怪既係d車厘茄，唔知係醃過定係變壞左，望落正正常常無穿無爛，但食落去有陣酸叔味，好似腳臭🦶🏻咁😂🤢🤮
-
🥢味噌湯
每款丼飯都會附上一碗味噌湯，入面有蔥花、油揚絲、紅蘿蔔同冬菇，係係日本餐廳飲到既味噌湯味道，唔會偏咸，算係成餐飯裡面最有味道既一樣食物😂
******************************
👧🏻人均消費：$88
👍🏻味道指數：3/5
👍🏻抵食指數：3/5
👍🏻環境指數：3/5
👍🏻再訪指數：2.5/5
-
📍慢煮屋
地址：觀塘開源道60號駱駝漆大廈3期11樓G室
⏰營業時間：11:30–17:00；18:00–22:00 (Mon–Sat & Public Holiday)；
12:00–17:00；18:00–22:00 (Sun)
Post
