EXP

Open Now

Now Closed

難得放假寫寫前幾日食既EXP餐廳..記得同朋友食過午餐覺得幾好咪，今次同友人第二次去食晚餐，等左十分鐘就入去！呢間餐廳好似係美心集團旗下。有時除左小店好食，大集團有時分支既高檔小小既餐廳都好食！一入去好吵，好似去左food court 講真想傾計小聚既朋友真心唔推薦，加上食完待應好快收碗碟感覺上好似趕人走😞最怕呢種餐廳，價錢又唔係平😑😅好啦入正提，講講食物先，叫左個水牛城雞翼，汁味道酸酸，雞翼都大隻但無咩脆口同正宗感覺。另外，叫左生菜沙津好大碟，幾新鮮值得一試，再黎個蕃茄意粉，意粉好淋 可能我自己煮仲好食 個汁好酸 可能叫左個最平既意粉 不推薦 ...到我最期待既pizza 麵包質感好軟熟同大公司pizza比呢個好有咬感，料又好多同juicy 加上芝士味😋值得一試總體而言，性價比較小，但九龍塘西式餐廳算便宜。應該未必再去了，環境令人感覺不舒服因爲露天附近又溜冰場！