南島

Open Now

Now Closed

延續泰國菜熱，今次去咗間位於西灣河，食星馬泰菜嘅餐廳。餐廳地方好大，間格分兩層，裝修好新淨。餐牌食物都幾多元化，價錢好抵食，我哋兩個人叫咗一個軟殼蟹喇沙同海南雞飯，另外可以半價加飲品，每人都唔使$100。軟殼蟹喇沙（$78）- 軟殼蟹炸得香脆，仲有唔少配料，包括魚蛋、魚片同豆卜等。喇沙湯底唔會太辣太搶，感覺啱啱好。海南雞飯（$72）- 份量都算唔細，海南雞肉質都幾滑，油飯唔會過分肥膩，味道都唔錯呀。飲品要咗杯龍眼冰同熱薑茶（各$14），龍眼冰好清涼，啱晒咁熱嘅天氣飲。薑茶薑味十足，夠晒養生。