Video
Read full review
2014-10-31
2506 views
住西灣河咁多年, 要食好d只有鯉魚灣一個選擇(只是好d, 不是"好好"). 上星期街市樓上竟然有新餐廳開張,望落格局似西餐廳,不過因為樓下無宣傳, 所以只可以上網睇下係咩~不過老實講,睇完網頁睇完Menu其實都唔太清楚係乜菜式, 只可以肯定係西餐, 因為菜名係食材+用料+感覺, 所以頭盤會見到"Potted Shrimp, Mildly Spiced, Buttery, Remoulade, Lovely"......係有點一頭霧水, 不過可能大廚想保持神秘感. 所以我地一行4人都係打左電話訂位。原來餐廳係固定menu,一行4人都揀左4道菜廚房係open kitchen,可以睇住大廚煮野（大廚原來係外國人, 即刻加左小小分數）頭盤：類似牛油蝦沙律，個蝦好爽好新鮮，牛油味同其他香料好夾，沙律個底d粒粒同個薄脆都好食 次盤：呢個竟然食完先記起未影相，個蒸青口好清，唔似平時用cream煮那種, 好彩味道都幾鮮亦算大隻主菜：牛仔肉煮得好林，牛味又好重，因為有一個朋友唔食牛,所以訂位時侍應幫我地轉左一碟係雞,抵讚甜品：朱古力雲呢拿合桃蛋糕呢個最好味，朱古力味好濃又唔甜，蛋糕裡面又幾個layer
住西灣河咁多年, 要食好d只有鯉魚灣一個選擇(只是好d, 不是"好好"). 上星期街市樓上竟然有新餐廳開張,望落格局似西餐廳,不過因為樓下無宣傳, 所以只可以上網睇下係咩~
不過老實講,睇完網頁睇完Menu其實都唔太清楚係乜菜式, 只可以肯定係西餐, 因為菜名係食材+用料+感覺, 所以頭盤會見到"Potted Shrimp, Mildly Spiced, Buttery, Remoulade, Lovely"......係有點一頭霧水, 不過可能大廚想保持神秘感. 所以我地一行4人都係打左電話訂位。
原來餐廳係固定menu,一行4人都揀左4道菜廚房係open kitchen,可以睇住大廚煮野（大廚原來係外國人, 即刻加左小小分數）
頭盤：類似牛油蝦沙律，個蝦好爽好新鮮，牛油味同其他香料好夾，沙律個底d粒粒同個薄脆都好食
次盤：
呢個竟然食完先記起未影相，個蒸青口好清，唔似平時用cream煮那種, 好彩味道都幾鮮亦算大隻
主菜：牛仔肉煮得好林，牛味又好重，因為有一個朋友唔食牛,所以訂位時侍應幫我地轉左一碟係雞,抵讚
甜品：朱古力雲呢拿合桃蛋糕呢個最好味，朱古力味好濃又唔甜，蛋糕裡面又幾個layer, 有時滑有時脆, 連唔好甜品嘅朋友都話唔錯
個餐4道菜唔包咖啡，不過因為食甜品, 所以最後我地都有叫左4杯咖啡，上枱竟然係一壺,仲要係滴餾架，好好飲！！
4道菜每人$500, 杯咖啡好似三十幾, 呢區來講價錢當然唔算特別平, 不過食得出d用料好靚, 煮得亦好食, 食完大廚同我地傾左一陣, 會問我地食物點, 又話menu會每星期轉一次,叫我地下次再嚟試下其他野
Post
