Video
Read full review
2022-06-12
60 views
西灣河除左有太安樓小食區之外，鯉景灣就係另一條食街。數數手指我嚟西灣河食嘢嘅次數應該五隻手指都數得晒，對上一次應該係結婚之前有追求者請我食飯😂Shuuuuu，芯爸唔知嘅🤫而家東鐵綫可以直通到金鐘，黎西灣河即刻快左好多，今次可以帶芯爸黎食飯啦🤣我地揀左街尾嘅意大利餐廳，環境清幽，最啱無帶小朋友嘅我地慢活食餐飯😆焗芝士焗生蠔 (半打) $198 🦪 配上芝士白汁，係永恆嘅組合，如果加埋洋蔥同煙肉就更perfect，但蠔啖啖肉仲食到鮮味，配埋house white wine好滿足🍷白酒汁燴鮮蜆$168 大蜆洗得好好，完全無沙。白酒汁配麵包好味道，略嫌唔夠麵包😂加泰羅尼亞龍蝦沙律$198 🥗 呢個好有驚喜，原隻龍蝦開加埋已經mix 好嘅salad dressing，酸甜開胃，龍蝦仲要超大隻😍四季芝士薄餅$138 🍕 由四種唔同嘅芝士配上薄脆薄餅，藍芝士嘅味完全係提升咗成個薄餅嘅味道，呢個一定要趁熱食🥰大蝦龍蝦汁燴意大利飯$198 🍚 大大隻蝦球而且肉爽口彈牙，意大利飯軟硬度適中，加埋黑椒同芝士粉會更香口烤肉眼扒配忌廉蘑菇汁 (350g)$388 🥩 我地叫左七成熟，外脆內軟嘅肉眼扒鎖住肉汁，即
而家東鐵綫可以直通到金鐘，黎西灣河即刻快左好多，今次可以帶芯爸黎食飯啦🤣我地揀左街尾嘅意大利餐廳，環境清幽，最啱無帶小朋友嘅我地慢活食餐飯😆
焗芝士焗生蠔 (半打) $198 🦪
配上芝士白汁，係永恆嘅組合，如果加埋洋蔥同煙肉就更perfect，但蠔啖啖肉仲食到鮮味，配埋house white wine好滿足🍷
白酒汁燴鮮蜆$168
大蜆洗得好好，完全無沙。白酒汁配麵包好味道，略嫌唔夠麵包😂
加泰羅尼亞龍蝦沙律$198 🥗
呢個好有驚喜，原隻龍蝦開加埋已經mix 好嘅salad dressing，酸甜開胃，龍蝦仲要超大隻😍
四季芝士薄餅$138 🍕
由四種唔同嘅芝士配上薄脆薄餅，藍芝士嘅味完全係提升咗成個薄餅嘅味道，呢個一定要趁熱食🥰
大蝦龍蝦汁燴意大利飯$198 🍚
大大隻蝦球而且肉爽口彈牙，意大利飯軟硬度適中，加埋黑椒同芝士粉會更香口
烤肉眼扒配忌廉蘑菇汁 (350g)$388 🥩
我地叫左七成熟，外脆內軟嘅肉眼扒鎖住肉汁，即使係七成熟肉質都好淋，連曾經喺五星飯店做扒房嘅芯爸都話好食，簡單配少少鹽巴已經足夠😋
唯一美中不足嘅係食唔到佢地嘅homemade tiramisu 😭我留左另一個胃，但賣晒😢下次要打黎預留至得😣
0 views
0 likes
0 comments
Post
