Catch.

Open Now

Now Closed

每日返工都會經過，睇住佢裝修，睇住佢開張。今日無帶飯，決定嚟哩度一試🍴佢lunch set 有前菜、主菜、甜品同飲品。主菜都幾多選擇，有14款📜想食得豐富啲，可以加＄80將前菜轉成生蠔🦪前菜可以揀湯或者沙律，主菜揀咗fish and chips🐟🍟 想中和下，唔想咁熱氣，前菜揀咗沙律，係凱撒沙律🥗。份量都唔細架，可惜啲麵包粒又硬又un😥可能食慣港式麵包脆粒😅飲品叫咗洋甘菊茶，用透明茶壺上，賣相一流🫖到咗主菜時間啦，魚肉厚身，一啲都唔腥，配薯角。醬汁係沙律醬同青豆蓉醬。初頭見佢綠色，以為係牛油果，但食落有有陣青味，即刻睇睇menu，原來係青豆蓉。雖然我都食青豆，不過變成醬之後，就唔係好鍾意，而且同個魚、薯條唔係好夾😅我個人比較鍾意厚切粗薯條多過薯角，加上炸得唔脆，整體來講唔算好高分。甜品係藍莓芝士蛋糕🫐🍰總括而言，食物味道唔算好出色。相比下，個藍莓芝士蛋糕係最好味😓價錢唔低，唔算抵食。