臻 (Closed)

西營盤作為一個小社區，酒樓的確好多，但係呢類型嘅精品點心店就好似相對比較少！今次就試咗呢間！呢度有好多款唔同類型嘅精品點心，造型方面都好特別！呢個金沙熊貓就係流沙包嚟嘅，而呢個杏香荔茸鴨就係芋角黎既，炸得好香脆，熱辣辣都幾正！富貴金魚餃都夠晒特別，入面係蝦餡，影相一流！亦都有試其他傳統嘅點心，樣樣都即叫即整，絕對唔會話凍晒咁，而且呢間店舖好少人，慢慢傾吓計食吓點心都唔錯！呢個麻辣燒賣都唔錯，唔算好辣但香，都值得一叫。