La Paloma

Open Now

Now Closed

📍西營盤 La Paloma一直都知香港有西班牙菜食，但係其實得好少地方可以食。今日嚟到位於西營盤嘅呢間西班牙菜，佢係位於一樓嘅地方，空間非常之大，而且店員都非常好客，成個環境感覺都好舒服。佢哋有好多種唔同嘅菜式可以選擇，對於唔係好識佢哋菜名嘅朋友都唔使驚，因為佢哋嘅餐牌提供咗中文可以參考。我哋今次就叫咗一個套餐，有齊Tapas、飯同甜品，食完真係大滿足。🙂‍↔️٩(˃̶͈̀௰˂̶͈́)وSexy Chef Menu $458pp伊比利亞黑毛豬火腿佢呢個火腿係配埋蕃茄醬多士，加配埋一齊口感非常豐富，唔使怕火腿會過鹹，配埋蕃茄肉酸酸甜甜咁，層次非常豐富。煙燻三文魚空氣脆包佢嘅三文魚味道非常香濃，而且配上帶有醬嘅脆包，感覺非常新鮮，但係又唔會過分油膩。牛肉他他佢嘅牛肉係配埋好幼嘅炸薯條混合一齊食，對於一啲怕牛肉卡嘅朋友呢個配搭就可以避免到淨係得一Pat嘅感覺。而且他他嘅牛肉非常新鮮，絕對非常有驚喜。鮮嫩八爪魚食西班牙菜又點少得食八爪魚，佢呢一個八爪魚配埋薯仔，而且加上少少辣粉，味道非常出色。😼西班牙牛肉迷你漢堡雖然話係迷你漢堡，但係舊漢堡肉一啲都唔迷你，好厚之餘，而且肉質非常嫩滑，而且佢個包烤到好香脆。