泰誇張

Open Now

Now Closed

其實最近先同屋企人去完曼谷玩，但返到香港都忍唔住要食泰菜，難得搵到間有水準，加上係泰國人主廚，真係想介紹一下。🍢沙嗲串燒豬牛雞各兩串，燒得恰到好處，唔乾之餘仲幾juicy，肉質都唔錯。重點係個沙嗲醬，香濃幼滑，椰香加上花生香，非常惹味。🥗鳳爪沙律無骨鳳爪彈牙爽脆。混合酸、甜、辣嘅味道令人非常開胃，加上清新沙律菜和蕃茄，夏天食真係非常清新醒胃。🥣 冬陰功湯細碗酸辣感覺很和諧，香茅同檸檬葉味都好出，細碗都好足料，大蝦蜆肉相當鮮味，加上草菇吸收哂湯嘅精華，做到酸，辣，甜，鮮，香，好想再來多碗。🐤 馬莎文雞肉咖喱泰國南部菜之一，椰奶味香濃，令咖喱多份豐富嘅層次，有馬鈴薯，洋蔥，雞肉，點麵包食或者配飯食都非常撘配。🦀 蟹肉炒飯一邊食，一邊好奇點解D飯咁有口感，爽口粒粒分明，又有糯米煙靭嘅感覺。配上鹹魚炒，有鹹香味，又有蛋香，而蟹肉清楚可見，啖啖鮮味。🍹珍多冰，冰凍十足，椰奶香滑。泰式凍奶茶，茶香奶香融合，啖啖冰凍幼滑。