金萊餐廳 (Closed)

今日過銅鑼灣行街買啲嘢，一出銅鑼灣地鐵站C出口發現以前間翠華唔見咗喎，但就見到一間叫金萊嘅餐廳，見佢門口幾靚入面又幾乾淨衛生，見未食晏咪入去試吓囉，跟住問個待應佢哋有乜嘢好食，佢就推介話小菜炒粉炒麵燒味都係水準之作可以試吓，當時我心諗乜你答得咁行貨㗎，不過算啦，跟住我就咁就叫咗個叉燒飯食唸住填飽個肚就去行街，當碟飯上台時，個待應話我知佢哋啲叉燒係用西班牙伊利比亞黑毛豬制成，既然係咁就希望有驚喜啦，點知一入口，嚿叉燒真係又淋又夠肉香，真係好好味，雖然都要成70蚊一碟叉燒飯，不過自己上HKTV網上買西班牙伊比利亞黑毛豬都要成400蚊得1公斤，用伊利比亞黑毛豬做叉燒呢個口感同味道真係值得大家一試！