Tapas Brew (Greenfield Plaza) (Moved) New Location

呢間餐廳好有異國風情Feel ，主打西班牙菜，環境好岩同朋友聚下。因為疫情關係，轉左用電子MENU，呢到既Tapas都幾多選擇，叫左傳統醃八爪魚配香檳醋甜椒。味道酸酸地，幾fresh，八爪魚都幾彈牙，係一個幾好的開胃菜。另外，叫左地道蒜片辣椒橄欖油蝦，配面包粒食，面包粒沾埋蝦油食好香，而且D蝦都幾大隻。主食叫左個豬手，會幫您切好曬，豬皮好脆，可以沾芥末醬。側邊仲有薯容，同埋酸椰菜，可以解解膩，份量都幾多架，豬手啖啖肉。食豬手都唔少得啤酒，唔太飲得酒的女仔可以試下hoegaarden Rose，幾易入口。同埋叫左個2人份的西班牙海鮮飯，入面好多海鮮，蝦好大隻，仲有青口，尤魚等等，D飯仲吸曬海鮮的味道。