卓記粥店 (Closed)

西環搵食團又出發啦，今次同同事黎左呢間卓記粥店，平時行去西寶城一定會經過佢，但係有時午餐時間又唔係好想食粥，但係有同事啱啱病完好反，所以就同佢食清啲啦！店舖座位唔算好多，大概可以坐十幾個人左右，但見到啲門面，應該都係家庭式經濟嘅，人情味小店我最喜歡！我哋叫左白粥（＄10），艇仔粥（＄16）同叉燒腸（＄16）。白粥好綿好幼細，見到啲煲到綿哂嘅米。艇仔粥亦都好多料，啖啖都有料架！叉燒腸嘅粉皮都好滑，真係見到係即叫即整嘅，用粉槳再放係蒸籠到蒸，份量都好多架，其實一個女仔食都夠做午餐！