鳳城皇宴 (Closed)

聽聞海典軒開了間新鳳城，又喺屋企附近，於是今日晚餐去試試佢！海鮮五層塔蒸鍋似乎係主打，於是試咗一試，水平都幾好！食材新鮮嘅，特別係龍蝦最出色，夠甜又夠爽口！不過呢個晚飯最特色，返而係知道呢到有好多懷舊菜式。事緣食完蒸鍋，好甜食嘅老竇提議要返個甜品，於是叫咗西米布甸，原本以為係普通布甸，點知上菜先知係傳統製法！西米布甸入面仲加入蓮蓉餡，而且係加大碼！本身味道已經夠哂濃郁，食完仲有少少杏仁回甘味道，層次口感都好豐富，有驚喜！而同場我哋都係咁八卦有咩特色菜，除咗好好味西米布甸之外，隔離枱有叫一味鐵板燒鵝，啫啫聲又香噴噴，最衰今次食飽哂，唔係一定叫嚟試下！仲有蒜子火腩呢啲懷舊菜，睇嚟要嚟多次試埋先得！