Video
Read full review
2024-07-25
832 views
未卸貨之前，爭取多啲二人世界嘅時間。❤️今日收工老公帶我遊車河兜風，兜嚟到西貢碼頭。宜家日場夜短，去到七點都仲未天黑，天邊仍是黃昏嘅色彩🌅 真係好靚好浪漫🥰 最後係呢度食晚飯再返屋企。今次懷孕，胃口大變，對海鮮🦞嘅興趣大減。冇行到海鮮街嗰邊d餐廳，而係行入小街小巷搵食。經過呢間海南雞飯，見幾乎坐滿人，於是我哋都坐低，加上幾肚餓，快快脆脆叫咗二人餐就等食。金雞二人餐包括1. 招牌去骨海南雞（半隻）去晒骨食起上嚟好方便👍🏻 隻雞一啲都唔肥，雞皮下脂肪唔多，唔會成嘴油lum lum。雞皮好似啫喱咁爽滑，雞肉口感嫩滑，即使雞胸部份亦都好軟嫩，有雞味❤️ 天氣咁熱，海南雞飯食落涼浸浸，開胃。2. 馳名香煎手剁鹹魚魚肉肉餅肉餅上枱已經聞到鹹香十足，做法幾特別。肉餅口感薄脆！有鹹魚嘅香味，仲食到好似蝦醬嘅味道，十分惹味，重口味得嚟剛剛好，唔會太鹹。😋3. 雞油飯x2 4. 時菜5. （加$）飲品：龍眼冰、青檸梳打
今次懷孕，胃口大變，對海鮮🦞嘅興趣大減。冇行到海鮮街嗰邊d餐廳，而係行入小街小巷搵食。經過呢間海南雞飯，見幾乎坐滿人，於是我哋都坐低，加上幾肚餓，快快脆脆叫咗二人餐就等食。
金雞二人餐
包括
1. 招牌去骨海南雞（半隻）
去晒骨食起上嚟好方便👍🏻 隻雞一啲都唔肥，雞皮下脂肪唔多，唔會成嘴油lum lum。雞皮好似啫喱咁爽滑，雞肉口感嫩滑，即使雞胸部份亦都好軟嫩，有雞味❤️ 天氣咁熱，海南雞飯食落涼浸浸，開胃。
2. 馳名香煎手剁鹹魚魚肉肉餅
肉餅上枱已經聞到鹹香十足，做法幾特別。肉餅口感薄脆！有鹹魚嘅香味，仲食到好似蝦醬嘅味道，十分惹味，重口味得嚟剛剛好，唔會太鹹。😋
3. 雞油飯x2
4. 時菜
5. （加$）飲品：龍眼冰、青檸梳打
Post
