M Square

Open Now

Now Closed

好耐冇去西貢，趁今日放假及天氣晴朗，約埋朋友可以喺嗰邊食下嘢。呢間餐廳都幾就腳，喺香港WM酒店地下嘅「M Square」餐廳，就入去食lunch餐廳以簡約風格為主，地方寬敞，坐得好舒服，樓底又高，彩光度非常好。餐廳內有遊戲設施，桌球、高爾夫球、遊戲機，適合大人和小朋友一起玩樂。Soft Shell Crab Salad $155軟殼蟹炸得酥脆可口，搭配埋蟹肉、芒果、蕃茄仔、新鮮沙律菜，色彩繽紛，份量都幾多，口感非常豐富。Beef Cheek Risotto $225燒肉汁慢煮牛面頰肉，煮得又軟又淋，肉質鮮嫩，有新鮮燒雜菜和蕃茄仔。意大利飯軟硬適中有口感，吃得滋味。Matcha Custard Pancake $148班戟好厚身，蛋味香濃，空氣感十足，口感鬆軟，班戟上面有濃郁抹茶吉士醬和脆玄米，伴碟有紅豆、士多啤梨和抹茶蕨餅，甜而不膩。