Video
Read full review
2016-10-07
894 views
講起「Saigon」，大家一定會諗起香港既西貢，但其實「Saigon 」係源自越南胡志明市前身名字，西貢曾為越南首都，就算而家改左名叫胡志明市唔係作為越南首都，但呢位前「Saigon」至今仍然係越南最大城市。叫得Miss Saigon，當然餐廳所主打既係越南菜啦~ 餐牌選擇多元化，有粉麵，主菜，小食，飲品，甜品等等，可以隨心選擇。香茅牛肉春卷撈檬粉居然春卷出色過牛肉，牛肉份量頗多，不過顏色較燶，雖然食落牛肉唔乾，肉仲有啲嫩，但味道敵唔過旁邊既春卷~ 春卷外層既米紙卷香脆，內裡豬肉碎酥香，撈埋魚露醋食仲好味。紙米卷乃係越南特式小食之一，無理由唔叫黎試下架嘛~ 芝士牛油果酥炸珍寶軟殼蟹米紙卷 配搭唔錯，雖然有軟殼蟹，芝士相對較膩味感重既配料，但牛油果，蘿蔔絲，生菜既新鮮感去除其油膩，芝士令軟殼多一重奶香，唔需要落調味料已有味道。比我點紙米卷既醬汁如果係濃檬既魚露醋就好啦~ 始終我覺得有乾檬粉既野食應該咁食先最岩味，哈哈。安南吊燒雞成為全晚焦點😍雞皮燒得金黃薄脆，醃製入味，但完全冇肥膩感，雞肉亦保持內裡嫩滑多汁，食完都意猶未盡。如果想清新啲可以薄餅，青瓜絲，菜連醬料一齊食，又有另一種風味，有
叫得Miss Saigon，當然餐廳所主打既係越南菜啦~ 餐牌選擇多元化，有粉麵，主菜，小食，飲品，甜品等等，可以隨心選擇。
香茅牛肉春卷撈檬粉居然春卷出色過牛肉，牛肉份量頗多，不過顏色較燶，雖然食落牛肉唔乾，肉仲有啲嫩，但味道敵唔過旁邊既春卷~ 春卷外層既米紙卷香脆，內裡豬肉碎酥香，撈埋魚露醋食仲好味。
紙米卷乃係越南特式小食之一，無理由唔叫黎試下架嘛~ 芝士牛油果酥炸珍寶軟殼蟹米紙卷 配搭唔錯，雖然有軟殼蟹，芝士相對較膩味感重既配料，但牛油果，蘿蔔絲，生菜既新鮮感去除其油膩，芝士令軟殼多一重奶香，唔需要落調味料已有味道。比我點紙米卷既醬汁如果係濃檬既魚露醋就好啦~ 始終我覺得有乾檬粉既野食應該咁食先最岩味，哈哈。
安南吊燒雞成為全晚焦點😍雞皮燒得金黃薄脆，醃製入味，但完全冇肥膩感，雞肉亦保持內裡嫩滑多汁，食完都意猶未盡。如果想清新啲可以薄餅，青瓜絲，菜連醬料一齊食，又有另一種風味，有啲似食北京填鴨。
每次去食越南菜我總會鐘意叫玫瑰特飲，可能係我對玫瑰有情意結關係~ 數片艷紅色玫瑰花瓣漂浮於橙紅色特飲中，散發一陣香氣。甜絲絲玫瑰蜜混合荔枝特飲，配上數粒荔枝肉，味道更豐富起黎，我一陣間已經飲左唔少。
朋友係清新派，所以佢選擇既野飲都比較fresh，香茅薄荷茶彌漫檸檬薄荷舒爽味，飲完後朋友話非常清爽舒喉，成個人都朝氣蓬勃。
朋友未黎之前已經話想試斑蘭椰子燉蛋白，覺得味道應該好地道，不過我覺得蛋白分佈唔算平均，所以食落唔算順滑，斑蘭味唔太突出，椰子味較重。士多啤梨同香桃酸酸甜甜，一解飯後飽滿感，一開頭望啲香桃好似蛋黃。
法式蘋果金寶配雪糕深得我心，一望雪糕我就知應該味道唔錯，唔少雲呢拿籽係雪糕表面，當然食落正如我估計好濃厚雲呢拿味，而且都幾滑。主角蘋果金寶粒粒蘋果香甜軟腍，表層鬆化，牛油同玉桂香氣口中回盪著，食完完全冇乾枯感。
Post
