Video
Read full review
2023-02-05
453 views
我哋呢次專登入嚟西貢嘅WM咖啡廳，因為佢哋有好靚嘅環境，同埋佢哋嘅branch自助餐夠哂吸引。嚟到梗係要兜一圈睇吓有咩好食啦！首先吸引到我一定係佢哋冷盤刺身中嘅即開生蠔，啲蠔肉厚飽滿，口感爽嫩，海水味較重，可以唔洗加調味都好好食。除咗蠔之外冷盤仲有嚟自加拿大嘅海螺、嚟自澳洲嘅藍青口同埋凍蝦，而刺身仲有三文魚，吞拿魚，希靈魚等。樣樣都好新鮮，同埋refill嘅速度都幾快。之後見到前菜同埋沙律區，佢哋有多款嘅特色沙律同埋前菜，分別有車厘茄，多款嘅沙律菜、各式嘅芝士、巴馬火腿、水牛芝土番茄等，佢哋仲有我最鍾意嘅德國薯仔沙律，薯仔沙律質感綿滑，沙律醬嘅比例啱啱好，令人忍唔住手咁拎咗好幾次。下一站就到熟食熱盤，一望就見到蜜汁烤德國煙火腿同埋澳洲西冷牛扒，呢兩個必食，牛扒肉味濃郁，燒得啱啱好，所以食到嫩滑嘅口感，而火腿用咗蜜汁烤製，特別香甜，更能突出火腿嘅肉味。除咗呢兩樣佢哋仲提供多款嘅炸物同埋即炸嘅天婦羅，尤其雞鎚同雞塊，炸完仍然保留嫩滑嘅肉質同滿滿嘅肉汁，而天婦羅嘅炸衣夠薄，亦炸得好香脆。其次仲有中式嘅老火湯、西式嘅忌廉湯、眾多自助餐必備嘅粉麵檔等等。最後甜品同飲品，佢哋嘅甜品種類都算多，蛋糕
嚟到梗係要兜一圈睇吓有咩好食啦！首先吸引到我一定係佢哋冷盤刺身中嘅即開生蠔，啲蠔肉厚飽滿，口感爽嫩，海水味較重，可以唔洗加調味都好好食。除咗蠔之外冷盤仲有嚟自加拿大嘅海螺、嚟自澳洲嘅藍青口同埋凍蝦，而刺身仲有三文魚，吞拿魚，希靈魚等。樣樣都好新鮮，同埋refill嘅速度都幾快。
之後見到前菜同埋沙律區，佢哋有多款嘅特色沙律同埋前菜，分別有車厘茄，多款嘅沙律菜、各式嘅芝士、巴馬火腿、水牛芝土番茄等，佢哋仲有我最鍾意嘅德國薯仔沙律，薯仔沙律質感綿滑，沙律醬嘅比例啱啱好，令人忍唔住手咁拎咗好幾次。
下一站就到熟食熱盤，一望就見到蜜汁烤德國煙火腿同埋澳洲西冷牛扒，呢兩個必食，牛扒肉味濃郁，燒得啱啱好，所以食到嫩滑嘅口感，而火腿用咗蜜汁烤製，特別香甜，更能突出火腿嘅肉味。除咗呢兩樣佢哋仲提供多款嘅炸物同埋即炸嘅天婦羅，尤其雞鎚同雞塊，炸完仍然保留嫩滑嘅肉質同滿滿嘅肉汁，而天婦羅嘅炸衣夠薄，亦炸得好香脆。其次仲有中式嘅老火湯、西式嘅忌廉湯、眾多自助餐必備嘅粉麵檔等等。
最後甜品同飲品，佢哋嘅甜品種類都算多，蛋糕、布丁、奶凍、生果都一應俱全，大部分都係以迷你甜品為主，方便可以試多幾款。佢哋呢度仲提供咗Haagen Diaz雪糕，有6款不同嘅口味。
飲品就提供咗咖啡、奶茶、檸茶同埋果汁。
Post
