Blacksmith Coffee Shop (Closed)

今日去咗一間位於西貢好好Feel的Coffee Shop，不過我地竟然無飲Coffee反而試咗其他野有驚喜。天氣真係太熱所以一定要叫凍飲，唔飲咖啡只因今日已飲Quota已Full，於是我選擇飲了一杯特飲，個名叫做雜苺集會，Berries成日會令人又愛又恨，主要原因係間中都會中伏，D berries味似飲藥水咁，不過呢一間D Berries係好飲嘅，酸酸地好啱天時署熱嘆番杯。我朋友就真係無乜新意，叫咗支礦泉水，不過個樽真係好靚，所以佢飲完之後決定問準店員，將呢個樽帶返屋企用黎裝水飲。呢間Coffee Shop嘅小食選擇都算幾多，我地懶係健康咁叫咗個羽衣甘藍素菜球，一聽羽衣甘藍就知道係健康嘅指標啦，佢嘅味道又唔錯，健康得黎又幾好食真係難得，點咗醬仲好食D添。呢間野幾好坐，值得推介。