Video
Read full review
2024-11-29
197 views
前排去西貢玩完獨木舟，到晚飯時間就近近地喺 WM Hotel 嘅餐廳開餐，同朋友都想食啲西式嘅食物，所以就揀咗呢間 M Square。餐廳環境非常舒適，提供多項玩樂設施，例如桌球、足球機、老虎機、哥爾夫球及三部特大電視，食客可以一面食飯一面享樂，非常適合一大班人或者情侶用餐。以係西貢及酒店餐廳嚟講，食物定價都算合理，叫咗煙燻豬仔骨、墨西哥脆片、芝士千層麵、黑松露芝士薯條。黑松露芝士汁薯條 ($58) : 粗身薯條特別好食，炸得脆口有薯味，而且勁多黑松露芝士汁。墨西哥粟米片 ($108) : 超級足料嘅粟米片，安格斯牛肉肉醬、酸忌廉、蕃茄粒等等堆滿成碗，味道酸酸甜甜非常開胃。芝士千層麵 ($155) : 平時食開嘅千層麵通常用牛肉多，豬肉整就真係第一次食。豬肉經過慢煮同手撕，肉質軟腍更易入口，而芝士下面每層有夾住不同嘅配料同醬汁，味道層次豐富。煙燻豬仔骨 ($229/半份) : 豬仔骨醃得非常入味之餘，煮嘅時間亦拿捏得幾好，肉質鬆軟唔韌，一咬就已經骨肉分離，而配菜有薯條、沙律菜同酸瓜。
餐廳環境非常舒適，提供多項玩樂設施，例如桌球、足球機、老虎機、哥爾夫球及三部特大電視，食客可以一面食飯一面享樂，非常適合一大班人或者情侶用餐。
以係西貢及酒店餐廳嚟講，食物定價都算合理，叫咗煙燻豬仔骨、墨西哥脆片、芝士千層麵、黑松露芝士薯條。
黑松露芝士汁薯條 ($58) : 粗身薯條特別好食，炸得脆口有薯味，而且勁多黑松露芝士汁。
墨西哥粟米片 ($108) : 超級足料嘅粟米片，安格斯牛肉肉醬、酸忌廉、蕃茄粒等等堆滿成碗，味道酸酸甜甜非常開胃。
芝士千層麵 ($155) : 平時食開嘅千層麵通常用牛肉多，豬肉整就真係第一次食。豬肉經過慢煮同手撕，肉質軟腍更易入口，而芝士下面每層有夾住不同嘅配料同醬汁，味道層次豐富。
煙燻豬仔骨 ($229/半份) : 豬仔骨醃得非常入味之餘，煮嘅時間亦拿捏得幾好，肉質鬆軟唔韌，一咬就已經骨肉分離，而配菜有薯條、沙律菜同酸瓜。
Post
