林記小食

Open Now

Now Closed

西貢林記小食呢個名就咁同人講，可能大家都未必知係邊間，但一講到西貢碼頭食泰國嘢隔離果間小食店，相信好多人都知道，尤其成日去開西貢碼頭船 P 既朋友仔同行山既人。呢間小店大大話話都起碼有十年歷史，比我既感覺都係幾抵食既 ; 今日同朋友行完山之後就黎咗碼頭等車返屋企，見有啲肚餓同重有一段時間先有車，所以就叫咗啲嘢黎食下。叫咗腸粉、燒賣、粉果、豬大腸、豬生腸配秘制醬汁 ; 腸粉薄身之剩幾滑溜，而且十蚊重有四條 👍🏻 大腸同生腸係其他地方都未必做到呢個價，每串只係六蚊炸 😍 而且個秘制醬汁亦幾惹味，唯獨有點美中不足就係個粉果，兩個粉果一夾起嚟啲皮就爛，可惜可惜。