泰國小吃 (Closed)

見到這間無咩人，所以入內試試。之前無看過任何食評，諗住試下，好食再寫食評，估唔到返到屋企，禁多人讚好啊！叫了個海南雞飯和蝦醬炒通菜食。海南雞飯跟個冬瓜湯。冬瓜湯還可以，有冬瓜味，唔係清水味已經好好了，味精不重，感覺好甜！到海南雞飯了。之前食開旺角的泰妃雞，估唔到係西貢都食到禁正的雞。31蚊來說，份量真係少咗dd，但雞味濃滑，食口感覺好嫩，真係好食！飯都是有味飯，但不是黃飯，沒有太多油，讚！蝦醬炒通菜，好好食，好夠味，有蝦醬味，又有通菜味，通菜中要帶點蝦醬味才算炒通菜。係出面食，好多味道都是分開的，但這間，真係值得讚啊！