Video
Read full review
2024-02-11
727 views
最近同朋友喺西貢行完山之後去食飯，朋友話西貢碼頭附近啲餐廳食到有啲悶，所以佢提議去海傍酒店睇吓有咩餐廳啱食。酒店周圍環境都唔錯，中間仲有一個婚姻用嘅場地，酒店有三間餐廳，有西餐，泰國菜同自助餐，最後揀咗食西餐。西餐廳環境非常之寬敞又有大電視睇波真係一流，而且部份區域仲有不同嘅遊樂設施提供，有桌球、遊戲機、高爾夫球同桌上足球機，非常適合一家大細或者一大班朋友聚會。餐牌食物種類都多，如果以酒店餐廳嚟講價錢比我想像中平，叫咗兩個小食同兩個主食。炸雞翼 ($88) : 雞翼炸得幾香口，肉質唔嚡口之餘多汁又大隻，有蜜糖、燒烤、酸忌廉醬提供，伴碟仲有新鮮西芹同甘筍仔可以解膩。墨西哥粟米片 ($108) : 食材有手撕豬肉絲、橄欖、辣椒、蕃茄粒、酸忌廉、芝士醬、牛油果醬等等，味道層次豐富。鵝肝安格斯牛肉芝士漢堡伴薯條 ($188) : 餡料超級豐富，麵包口感軟熟之餘牛肉非常 Juicy，加埋勁邪惡嘅鵝肝，食完成個非常滿足。煙燻豬仔骨 ($229 / 半份) : 豬仔骨有半份同全份選擇，薯條鋪滿半大碟，隔離仲有沙律菜伴碟，豬仔骨肉厚嫩滑，唔洗再點燒烤醬都非常惹味。
酒店周圍環境都唔錯，中間仲有一個婚姻用嘅場地，酒店有三間餐廳，有西餐，泰國菜同自助餐，最後揀咗食西餐。
西餐廳環境非常之寬敞又有大電視睇波真係一流，而且部份區域仲有不同嘅遊樂設施提供，有桌球、遊戲機、高爾夫球同桌上足球機，非常適合一家大細或者一大班朋友聚會。
餐牌食物種類都多，如果以酒店餐廳嚟講價錢比我想像中平，叫咗兩個小食同兩個主食。
炸雞翼 ($88) : 雞翼炸得幾香口，肉質唔嚡口之餘多汁又大隻，有蜜糖、燒烤、酸忌廉醬提供，伴碟仲有新鮮西芹同甘筍仔可以解膩。
墨西哥粟米片 ($108) : 食材有手撕豬肉絲、橄欖、辣椒、蕃茄粒、酸忌廉、芝士醬、牛油果醬等等，味道層次豐富。
鵝肝安格斯牛肉芝士漢堡伴薯條 ($188) : 餡料超級豐富，麵包口感軟熟之餘牛肉非常 Juicy，加埋勁邪惡嘅鵝肝，食完成個非常滿足。
煙燻豬仔骨 ($229 / 半份) : 豬仔骨有半份同全份選擇，薯條鋪滿半大碟，隔離仲有沙律菜伴碟，豬仔骨肉厚嫩滑，唔洗再點燒烤醬都非常惹味。
Post
