WM咖啡廳

為左逃避放假人潮，提早幾日入左西貢行下放鬆下！行左半日，順便去左WM Hotel食番個二人set！WM café 內擺放了不少新年裝飾，仲有一排落地大玻璃，望出去就係Hotel signature 既小教堂，朝早黎打卡應該仲靚！ 精選晚餐包左4道精緻佳餚，每set除左主食，都包餐湯、沙律、甜品、餐飲。 - 餐湯、沙律 - ⦁意式雜錦沙律用上Parma ham、煙三文魚、番茄乾、燒甜椒、芝士、橄欖等，再淋上黑醋等調味，非常開胃！ ⦁墨西哥番茄湯尼碗湯好足料，用左海量既番茄熬製，味道鮮甜帶微酸，質地偏濃稠，好有飽腹感。仲放左一些薄脆增加口感。 - 主菜 - ⦁燒美國特級肉眼牛扒配賓尼士醬 $528肉眼生熟程度不錯，肉味香濃，肉嫩多汁。仲有兩款醬汁的，包括紅酒汁同賓士醬。個人比較鍾意紅酒汁多d。咋外配菜都有好多，非常豐富！ ⦁香煎白蘆筍及大啡菇配牛肝菌汁蛋闊麵 $388果主菜未黎到就已經聞到好香‼️白蘆筍煎得好香，口感介乎爽同淋之間，食落亦唔會有渣。大啡菇切片更易將味道帶入闊麵入面。闊麵都好粗身，非常容易掛汁。 - 甜品、餐飲 - ⦁雲呢拿奶凍配糖漬橙雲呢拿味唔重，奶凍入口