Video
Read full review
2022-12-29
516 views
聖誕前夕我同朋友去咗位於西貢嘅WM Hotel Staycation過節🏨，呢間酒店好靚啊，勁有外國旅遊度假嘅感覺。我哋夜晚亦留喺酒店食聖誕大餐，並幫襯咗「WM咖啡廳」。我哋Check-in時已經請前台幫忙訂枱，夜晚去到餐廳，店員就立刻有我哋資料，並安排入座。店員服務態度友善，全程主動提供協助👍。餐廳面積極大，所以完全唔使擔心會無位😜。環境裝修唔算好華麗，不過勝在光猛闊落，坐得舒服。我哋坐喺窗邊位，可以望住出面嘅教堂以及中庭位置。節慶晚餐Festive Set Dinner🍽，包含四道菜，每位承惠$588，價錢唔平，不過慶祝節日無計啦。意式雜錦拼盤，呢碟前菜沙律好豐富🥗，由多種食材組成，包括風乾火腿、煙三文魚、蕃茄乾、燒甜椒、水牛芝士、雅枝竹同埋橄欖等。調味用上醋，酸酸的，幾醒神開胃。餐湯係栗子蘑菇忌廉湯，湯品用上鮮蘑菇打成，並加入粟子肉。🍄菇味非常濃郁，口感好厚好Creamy。店員同時為我哋送上麵包籃🥖，有三個款式，夠晒飽啊。主菜有三款選擇，而我哋無要嗰款就係香煎美國銀雪魚柳及珍寶帶子配香檳忌廉汁🐟，皆因我哋係食肉獸。燒美國特級牛肉眼扒配賓尼士醬，🥩牛扒好大塊，我估計有成8至10安士
聖誕前夕我同朋友去咗位於西貢嘅WM Hotel Staycation過節🏨，呢間酒店好靚啊，勁有外國旅遊度假嘅感覺。我哋夜晚亦留喺酒店食聖誕大餐，並幫襯咗「WM咖啡廳」。
我哋Check-in時已經請前台幫忙訂枱，夜晚去到餐廳，店員就立刻有我哋資料，並安排入座。店員服務態度友善，全程主動提供協助👍。
餐廳面積極大，所以完全唔使擔心會無位😜。環境裝修唔算好華麗，不過勝在光猛闊落，坐得舒服。我哋坐喺窗邊位，可以望住出面嘅教堂以及中庭位置。
節慶晚餐Festive Set Dinner🍽，包含四道菜，每位承惠$588，價錢唔平，不過慶祝節日無計啦。
意式雜錦拼盤，呢碟前菜沙律好豐富🥗，由多種食材組成，包括風乾火腿、煙三文魚、蕃茄乾、燒甜椒、水牛芝士、雅枝竹同埋橄欖等。調味用上醋，酸酸的，幾醒神開胃。
餐湯係栗子蘑菇忌廉湯，湯品用上鮮蘑菇打成，並加入粟子肉。🍄菇味非常濃郁，口感好厚好Creamy。
店員同時為我哋送上麵包籃🥖，有三個款式，夠晒飽啊。
主菜有三款選擇，而我哋無要嗰款就係香煎美國銀雪魚柳及珍寶帶子配香檳忌廉汁🐟，皆因我哋係食肉獸。
燒美國特級牛肉眼扒配賓尼士醬，🥩牛扒好大塊，我估計有成8至10安士。美國特級肉眼扒帶點油脂香，適合沾肉汁或賓尼士醬食，令味道突出。墊底有唔少烤蔬菜，例如新薯🥔、豆角同車厘茄等。
爐燒聖誕火雞卷及蜜餞金門火腿配金巴利汁，聖誕節又點少得火雞呢。呢道菜式有幾款肉🍖，最頂嗰塊係豬柳扒，另外再夾住火雞肉同金門火腿，但火雞肉質就有啲啲嚡🙈。醬汁係金巴利汁，用紅莓Cranberry製成，甜甜哋，幾得意。
白朱古力聖誕樹頭蛋糕配紅加侖子汁，甜品好有聖誕氣氛🎄，卷蛋扮作聖誕樹頭，再配上一個迷你薑餅人。蛋糕係白朱古力味🍫，海綿蛋糕鬆軟，忌廉比例偏高，甜甜哋，味道都OK。
最後嗌埋飲品就為聖誕晚餐作結😊，我哋要咗凍檸茶同熱齋啡。
題外話，酒店內嘅教堂好靚💒，我認為完勝愉景灣嗰個。
總括嚟講，我認為WH Hotel值得到訪✨，就算唔入住，都不妨嚟參觀吓，順便可以喺度食埋嘢啊，餐廳週末好似仲有做自助餐添！
Post
