Video
Read full review
2023-02-10
14 views
大角咀區有好多唔同類型嘅食肆，如果唔係響嗰邊返工，都唔會特登行過去搵食，今次發掘咗間好啱放工HAPPY HOUR的餐廳。餐廳一面牆擺放咗唔同類型嘅酒，但係佢的食物都非常有特色。燒牛肉沙律配泰式香草汁 （$108）擺盤的顏色清新，上面鋪滿半生熟嘅燒牛肉，外面燒得香濃，中間帶少少生， 半生熟嘅口感非常特別，質肉軟得黎有𡁻口。下面鋪咗新鮮嘅沙律菜及蕃茄仔，新鮮嘅生洋蔥雖然味道刺激唔討好，但原來同濃味的牛肉非常夾，配合埋帶少少蕃茄的辣醬汁，辣度強勁食落超刺激，唔會蓋過主角的味道。醬汁另上可以自己控制辣度。祖傳五香烤雞（＄268）店員特別推介烤雞，上碟嘅時候香味慢慢飄出嚟。雞嘅肉質鮮嫩多汁，用咗西蘭花墊底，可以索埋雞嘅精華。烤得啱啱好唔會過熟，連最難的雞胸部份都係軟滑的。切嘅時候肉汁擁晒出嚟，大部份的骨都起晒，感覺貼心又方便。雞皮烤到非常香脆，灑上少許香草，令雞嘅味道更豐富。隻烤雞雖然望落細細隻，但食落個份量啱哂兩個女仔。酥炸大啡菇配粉紅汁（$88）小食揀咗少見的炸大啡菇，薄薄的粉漿鎖住大啡菇的水份，薄到能透出菇嘅顏色。外面炸得香脆入面JUICY，雖然係炸物，但唔會好油膩，配上有蛋黃醬及辣椒粉的
大角咀區有好多唔同類型嘅食肆，如果唔係響嗰邊返工，都唔會特登行過去搵食，今次發掘咗間好啱放工HAPPY HOUR的餐廳。
餐廳一面牆擺放咗唔同類型嘅酒，但係佢的食物都非常有特色。
燒牛肉沙律配泰式香草汁 （$108）擺盤的顏色清新，上面鋪滿半生熟嘅燒牛肉，外面燒得香濃，中間帶少少生， 半生熟嘅口感非常特別，質肉軟得黎有𡁻口。下面鋪咗新鮮嘅沙律菜及蕃茄仔，新鮮嘅生洋蔥雖然味道刺激唔討好，但原來同濃味的牛肉非常夾，配合埋帶少少蕃茄的辣醬汁，辣度強勁食落超刺激，唔會蓋過主角的味道。醬汁另上可以自己控制辣度。
祖傳五香烤雞（＄268）店員特別推介烤雞，上碟嘅時候香味慢慢飄出嚟。雞嘅肉質鮮嫩多汁，用咗西蘭花墊底，可以索埋雞嘅精華。烤得啱啱好唔會過熟，連最難的雞胸部份都係軟滑的。切嘅時候肉汁擁晒出嚟，大部份的骨都起晒，感覺貼心又方便。雞皮烤到非常香脆，灑上少許香草，令雞嘅味道更豐富。隻烤雞雖然望落細細隻，但食落個份量啱哂兩個女仔。
酥炸大啡菇配粉紅汁（$88）小食揀咗少見的炸大啡菇，薄薄的粉漿鎖住大啡菇的水份，薄到能透出菇嘅顏色。外面炸得香脆入面JUICY，雖然係炸物，但唔會好油膩，配上有蛋黃醬及辣椒粉的粉紅醬汁，讓大啡菇嘅味道更突出，同時減低油膩感係送酒嘅佳品。
Post
