Mirror & Vegan Concept (Closed)

平日出去食飯，餐廳少不免會用肉類煮食，對食素食嘅朋友來講實在係一個難題。今日就去咗一間主打素食嘅西餐廳，叫嘢食嘅時候就唔使就住就住。雖然話係素食，但係絕對唔會唔飽。，因為套餐嘅份量都非常豐富，我同朋友叫咗一個套餐另外再散叫就已經足夠。套餐有沙律同埋芝士焗蘑菇多士作為前菜。多士芝士味香濃，好邪惡但係非常好食。朋友叫咗一個鮮果沙律，聽落去好似好普通，但識落非常清新，水果嘅鮮甜配合酸酸地嘅柚子汁同黑醋汁，非常惹味，食到食唔到口。我特別欣賞佢哋嘅沙律都加咗麥片，健康得來又帶嚟特別嘅口感。之後上咗餐湯同埋法式紅酒燴野菜，紅酒汁嘅味非常濃郁，椰菜花、蘑菇、同蘿蔔幾種蔬菜亦都煮得夠稔夠入味。主菜方面，我哋揀咗黑松露焗鵝肝菌長通粉同另外叫咗蒜片意大利粉。長通粉加左乾蒜粒，比一般嘅黑松露pasta更加香，黑松露醬同芝士完美融合長通粉，啖啖都食得非常滿足。蒜片意大利粉雖然聽落去簡單，但係好考廚師功夫。有蒜香得來又唔油膩，意大利粉亦都煮得啱啱好，夠彈牙。當晚嘅服務都非常周到，不少會加水同埋好快收返用完嘅碟。