Video
Read full review
2016-06-21
1128 views
是日約咗岩岩係日本玩完返香港既朋友仔出街街～ 臨近夜晚時分突然落超級大雨，同友人身處銅鑼灣SOGO既我醒起好友L之前推介過一間叫"西餐大排檔"餐廳應就係附近，於是上開飯網度望咗望地址，咦。。堅近喔，即刻沖過去開飯先！！首先去到餐廳俾我既第一感覺係。。。咦？！冇大排檔FEEL喔！！成間餐廳裝修行簡潔及有情調既路線，令人有一種放鬆既感覺，好岩我地呢啲鐘意同朋友仔邊享受美食又可以靜靜地談吓心。。。嘻嘻／／／我同朋友雖然冇預先訂台，但由於我地都叫做好早去到食晚飯，先得個6點，待應哥哥好好人咁安排咗張2人台俾我地（當然唔係窗邊個張啦，俾人一早BOOK咗啦），話說其實是日晚上啲台已俾人訂晒，所以我同朋友仔係要係8點前交台的，所以下次都係要打來BOOK咗台先竹得（後話也）！好啦，講吓食物方面先。。。打開個餐牌見到有呢個set dinner好似唔錯咁，費事左揀右揀既我地就點咗呢個＄799大洋既二人精選晚餐，貪佢咩都有D又夠哂豐盛！！！餐前白酒 － 本身唔係好識評酒, 個人覺得幾light同幾easy drink, 都幾岩女仔口吱 海鮮拼盤 - 包含左生蠔、鮑魚、日本刺身帶子、鮮蝦，同埋象拔蚌我同朋友
首先去到餐廳俾我既第一感覺係。。。咦？！冇大排檔FEEL喔！！成間餐廳裝修行簡潔及有情調既路線，令人有一種放鬆既感覺，好岩我地呢啲鐘意同朋友仔邊享受美食又可以靜靜地談吓心。。。嘻嘻／／／我同朋友雖然冇預先訂台，但由於我地都叫做好早去到食晚飯，先得個6點，待應哥哥好好人咁安排咗張2人台俾我地（當然唔係窗邊個張啦，俾人一早BOOK咗啦），話說其實是日晚上啲台已俾人訂晒，所以我同朋友仔係要係8點前交台的，所以下次都係要打來BOOK咗台先竹得（後話也）！
好啦，講吓食物方面先。。。打開個餐牌見到有呢個set dinner好似唔錯咁，費事左揀右揀既我地就點咗呢個＄799大洋既二人精選晚餐，貪佢咩都有D又夠哂豐盛！！！
餐前白酒
25 views
0 likes
0 comments
海鮮拼盤
24 views
0 likes
0 comments
我同朋友仔最鐘意個鮑魚同帶子，個鮑魚好大隻，而且鮮甜爽口彈牙...好有滿足感; 另外個帶子真係好好味, 除咗夠新鮮而且仲好creamy同豐滿, 再加埋啲醬汁, 口感好有層次。其實成個海鮮拼盤都好有質數，所有海鮮都好新鮮，個種新鮮唔係係雪櫃度攞出來就做到，呢樣嘢係要間餐廳好有心去揀料先得，真心覺得好好味。
黑松露蘑菇湯
17 views
0 likes
0 comments
呢個湯都係我最愛之一, 又一絕對值得推介之作...一上台, 我已流晒口水, 好香既松露磨菇味, 飲落就知佢地落足料, 幽香既磨菇味夾雜住松露濃郁香味, 湯入味之餘亦豐富了湯的層次感。只能講多次...好好飲, 其實希望佢地下次可以再俾多少少湯, 因為我覺得唔係好夠飲, 幾啖冇晒~
燒牛利
14 views
0 likes
0 comments
我本身唔食牛利, 於是朋友仔好開心咁有多條牛利食, 雖然我冇食到, 但我聞到好香既午餐肉味, 真係好香, 如果唔係知道呢條係牛利, 我諗我會去試食, 當然朋友仔就緊係食得晒2條, 佢既食評係實在太滿足，入口即溶配以香濃肉汁, 棉棉豐有層次的口感。其實我諗都諗都好食, 因為聞到都想食. 朋友仔話鐘意食牛利既朋友真係一定要一試~
黑松露煮日本年糕
40 views
0 likes
0 comments
有陣陣的松露香味配以年糕既煙韌質感，又一好好味之選
檸檬焗深海鱸魚柳
33 views
0 likes
0 comments
呢個係我既主菜, 又要再次讚吓店家用心挑選食材, 塊鱸魚柳非常新鮮, 口感軟滑鮮甜，肉質有層次同有嚼勁, 因為以檸檬焗制，所以一啲魚腥味都冇反而有淡淡既清香配以濃濃的魚油香味, 呢道都係我最愛之一, 真係有水準~
美國牛肉眼
25 views
0 likes
0 comments
朋友仔就要咗呢個, 食落可以感覺到肉汁豐富而且富層次，肉質也十分嫩滑。配上佢地特制醬汁, 十分可口, 話說我仲特登問佢地要多少少醬汁。甜品 - Cheese Cake - 芝士質感香滑, 味道濃郁
咖啡 - Irish Coffee / Spanish Coffee - 只能講, 好好飲, 唔會太甜, 但有少少酒味,
一個字"掂" 配CAKE一流
又要再讚, 好少一個SET DINNER既甜品都咁好味, 真心雖然食咗咁多嘢, 但佢個甜品cheese cake, 係令到我同朋友仔食到想再要一個, 所以仲專登叫咗2杯咖啡黎配佢, 因為好味既甜品係要咖啡配襯的!!
總括黎講, 我非常滿意呢間餐廳, 由食咗個頭盤開始已經大概知道佢地啲嘢食好有質數，其實冇諗過呢間叫大排檔既餐廳會有呢個質數，真係有D喜出望外，因為無論係用料以至到味道都十分到位，而且呢個價錢可以食到呢個質數真係可算幾值得推介俾朋友試下，可以感受到成個餐既每道菜，大廚都好有心機去制作, 作為食客既我亦因為食得好開心, 呢間絕對值得食完再食
Other Info. :
如果大家要食Dinner, 最好都係book咗台先, 因為都真係幾full 吓~
(The above review is the personal opinion of a user which does not represent OpenRice's point of view.)
Post
